ស្ត្រី​ម្នាក់​បើករថយន្ត​បុក​រះ ហើយ​ហោះ​ចូល​ទៅ​ត្រាំ​ទឹក​ស្អុយ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

ស្ត្រី​ម្នាក់​បើករថយន្ត​បុក​រះ ហើយ​ហោះ​ចូល​ទៅ​ត្រាំ​ទឹក​ស្អុយ

2 អាទិត្យ មុន
  • Phnom Penh

រាជធានី​ភ្នំពេញ ៖ រថយន្ត​តូ​យ៉ូ​តា​មួយ​គ្រឿង​បើក​ដោយ​ស្ត្រី​ម្នាក់​បាន​បើក​វ៉ា​ជែង​ខាងស្ដាំ​នៅ​ចំណុច​ផ្លូវ​កោង ក៏​ជ្រុល​ទៅ​បុក​រះ​បង្គោល​សុវត្ថិភាព​បាក់​អស់​២​ដើម ធ្វើ​ឱុ្យ​រថយន្ត​ហោះ​ធ្លាក់​ចូល​ប្រឡាយ​ទឹកតែ​ម្តង បណ្តាល​ឱ្យ​រង​ការ​ខូចខាត​យ៉ាងដំណំ ហេតុការណ៍​នេះ​បាន​កើតឡើង​នៅ​វេលា​ម៉ោង​៩​យប់ ថ្ងៃ​ទី​១៩ ខែកុម្ភៈ ឆ្នាំ​២០២១…

រាជធានី​ភ្នំពេញ ៖ រថយន្ត​តូ​យ៉ូ​តា​មួយ​គ្រឿង​បើក​ដោយ​ស្ត្រី​ម្នាក់​បាន​បើក​វ៉ា​ជែង​ខាងស្ដាំ​នៅ​ចំណុច​ផ្លូវ​កោង ក៏​ជ្រុល​ទៅ​បុក​រះ​បង្គោល​សុវត្ថិភាព​បាក់​អស់​២​ដើម ធ្វើ​ឱុ្យ​រថយន្ត​ហោះ​ធ្លាក់​ចូល​ប្រឡាយ​ទឹកតែ​ម្តង បណ្តាល​ឱ្យ​រង​ការ​ខូចខាត​យ៉ាងដំណំ ហេតុការណ៍​នេះ​បាន​កើតឡើង​នៅ​វេលា​ម៉ោង​៩​យប់ ថ្ងៃ​ទី​១៩ ខែកុម្ភៈ ឆ្នាំ​២០២១ ស្ថិត​នៅ​បណ្ដោយ​ផ្លូវ ៥០​ម៉ែត្រ ភូមិ​អន្លង់​គង​ថ្មី សង្កាត់​ព្រៃ​ស ។

តាម​ប្រភព​ពី​អ្នក​ឃើញ​ហេតុការណ៍ បានអោយ​ដឹង​ថា មុន​ពេល​កើតហេតុ គេ​បានឃើញ​រថយន្ត​បង្ក​ម៉ាក​តូ​យ៉ូ​តា​ព្រូស ពណ៌​ទឹកប្រាក់ ពាក់​ស្លាក​លេខ ភ្នំពេញ 2BA 3202 ដែល​បើក​ដោយ​ស្ត្រី​ម្នាក់​មិន​ប្រាប់​ឈ្មោះ បាន​ធ្វើ​ដំណើរ​តាម​បណ្ដោយ​ផ្លូវ​៥០​ម៉ែត្រ ពី​ជើង​ទៅ​ត្បូង លុះ​មក​ដល់​ចំណុច​កើតហេតុ ក៏​បាន​វ៉ា​ជែង​ខាងស្ដាំ​រថយន្ដ​មិន​ស្គាល់​ម៉ាក​មួយ​គ្រឿង​ទៀត​។ តែ​ដោយសារ​តែ​រថយន្ត​លឿន​ពេក នៅ​ចំណុច​ផ្លូវ​កោង​បន្តិច ទើប​ធ្វើ​ឲ្យ​រថយន្ត​ជ្រុល​ទៅ​បុក​រះ​បង្គោល​សុវត្ថិភាព​នៅ​តាម​ចិញ្ចើម​ផ្លូវ​បាក់​អស់​ចំនួន​២​ដើម និង​កន្លែង​លក់​សាំង​ដប​ទៀត ហើយ​រថយន្ត​ក៏​បន្ត​ហោះ​ចូល​ទៅ​ក្នុង​ប្រឡាយ​ទឹក​ស្អុយ​ត្រាំ​ទឹក​ស្អុយ​តែ​ម្តង ធ្វើ​ឲ្យ​ស្ត្រី​ជា​អ្នកបើកបរ​ទទឹក​ខ្លួន​ជោក តែ​មិន​មាន​រង​របួស​នោះ ទេ គ្រាន់តែ​មានការ​ភ័យ​តក់​ស្លត់​តែ​ប៉ុណ្ណោះ ។

បន្ទាប់​ពី​កើតហេតុ ស្ត្រី​ជា​អ្នកបើកបរ​ត្រូវ​បាន​បងប្អូន​ប្រជាពលរដ្ឋ​ជួយ​ទាញ​ចេញពី​ក្នុង​រថយន្ត​តាម​កញ្ចក់ ដោយ​មិន​មាន​រង​របួស​អ្វី​នោះ​ទេ ហើយ​ក៏​បាន​ទូរស័ព្ទ​ហៅ​បងប្អូន​ឱ្យ​បើករថយន្ដ​មួយ​គ្រឿង​ទៀត​មក​ទទួល​ដោយ​មិន​និយាយ​អ្វី​ទាំងអស់ ។

ក្រោយ​ពេល​កើតហេតុ ឃើញ​មាន​កម្លាំង​សមត្ថកិច្ច​មូលដ្ឋាន​បាន​ចុះ​ទៅ​ដល់​កន្លែង​កើតហេតុ​ពិនិត្យ​ឃើញ​ថា មិន​ប៉ះពាល់​អ្វី​ធ្ងន់ធ្ងរ​ដល់​សម្បត្តិ​សាធារណៈ​នោះ​ទេ ហើយ​ក៏​បានអោយ​ម្ចាស់​រថយន្ត​ហៅ​រថយន្ត​ស្ទូច​មក​ធ្វើការ​ស្ទូច​យក​រថយន្ត​ទៅ​ធ្វើការ​ជួសជុល​ដោយ​ខ្លួនឯង ដើម្បី​បញ្ចប់រឿង ៕