ខេត្តកណ្តាល ៖ ទណ្ឌិតចំនូន១០០នាក់ត្រូវបានបញ្ជូនចេញពីពន្ធនាគារខេត្តកណ្តាលទៅកាន់មណ្ឌលកែប្រែទី៣ត្រពាំងថ្លុង ខេត្តត្បូងឃ្មុំ នាព្រឹកថ្ងៃទី២០ កុម្ភៈ ឆ្នាំ២០២១នេះ ដើម្បីមានឱកាសធ្វើការបណ្តុះបណ្តាលវិជ្ជាជីវះនិងស្តារនិតិសម្បទារ។ ការបញ្ជូនទណ្ឌិតនេះជាលើកទី២ ដែលកាលពីលើកទី១ធ្វើឡើងនៅថ្ងៃទី៨…
ខេត្តកណ្តាល ៖ ទណ្ឌិតចំនូន១០០នាក់ត្រូវបានបញ្ជូនចេញពីពន្ធនាគារខេត្តកណ្តាលទៅកាន់មណ្ឌលកែប្រែទី៣ត្រពាំងថ្លុង ខេត្តត្បូងឃ្មុំ នាព្រឹកថ្ងៃទី២០ កុម្ភៈ ឆ្នាំ២០២១នេះ ដើម្បីមានឱកាសធ្វើការបណ្តុះបណ្តាលវិជ្ជាជីវះនិងស្តារនិតិសម្បទារ។
ការបញ្ជូនទណ្ឌិតនេះជាលើកទី២ ដែលកាលពីលើកទី១ធ្វើឡើងនៅថ្ងៃទី៨ ខែកុម្ភៈ ពន្ធនាគារខេត្តកណ្តាល បានបញ្ជូនទណ្ឌិតចំនួន១០០នាក់ផងដែរ ទៅកាន់មណ្ឌលកែប្រែភ្នំក្រវ៉ាញ ខេត្តពោធិ៍សាត់។
ឧត្តមអគានុរក្សថ្នាក់លេខ២ លោក ចាត ស៊ីនាង ប្រធានពន្ធនាគាខេត្តកណ្តាល បានប្រាប់អោយដឹងថា ការបញ្ជូនទណ្ឌិតចេញពីពន្ធនាគារខេត្តកណ្តាលទាំងពីរលើកទៅកាន់មណ្ឌលកែប្រែភ្នំក្រវ៉ាញ និងត្រពាំងផ្លុងនេះ ដោយសារនៅពន្ធនាគារខេត្តកណ្តាលមានទីតាំងតូចចង្អៀត ពិសេសចង់អោយជនមានទោសទាំងនោះ មានឱកាសធ្វើការបណ្តុះបណ្តាលវិជ្ជាជិវះ និងស្តារនីតិសម្បទារឡើងវិញ ។ ម្យ៉ាងទៀតពន្ធនាគារ ខេត្តកណ្តាលមិនមែនជាមណ្ឌលកែប្រែនិតិសម្បទារផង។
លោកវរសេនីយឯក ឡាក់ ម៉េងធី ប្រធានការិយាល័យព្រហ្មទណ្ឌ័កំរិតស្រាលនៃស្នងការដ្ឋាននគរបាលខេត្តកណ្តាលបានអោយដឹងដែរថា ទណ្ឌិតចំនួន១០០នាក់បញ្ជូនទៅកាន់មណ្ឌលកែប្រែត្រពាំងផ្លុងនេះ លោកឧត្តមសេនីយ៍ទោ ឈឿន សុចិត្ត ស្នងការដ្ឋាននគរបាលខេត្តកណ្តាលបានរៀបចំកំលាំងនិងមធ្យោបាយការពារសុវត្តិភាព និងដឹកជញ្ជូនទណ្ឌិតចាប់ពីចំណុចមុខពន្ធនាគារខេត្តនិងតាមដងផ្លូវផងដែរ។
កងកម្លាំងត្រូវការពារសុវត្តិភាពជូនទណ្ឌិតមានកងកម្លាំងនគរបាលការិយាល័យព្រហ្មទណ្ឌ័កំរិតស្រាលនៃស្នងការដ្ឋាននគរបាលខេត្ត និងកងកម្លាំងការពាររបស់ពន្ធនាគារខេត្តកណ្តាលដឹកនាំដោយឧត្តមអគារនុរក្សថ្នាក់លេខ២លោក មាន ថាវរិន ប្រធាននាយកដ្ឋានសន្តិសុខនៃអគ្គនាយកដ្ឋានពន្ធនាគារក្រសួងមហាផ្ទៃនិងលោកឧត្តមសេនីយ៍ត្រី រឿន ណារ៉ា ស្នងការរងទទួលផែនកណ្តាលយុត្តិធម៏នៃស្នងការដ្ខាននគរបាលខេត្តកណ្តាល។
ចែករំលែកព័តមាននេះ