ខេត្តបន្ទាយមានជ័យ ៖ បុរសម្នាក់ត្រូវបានកម្លាំងនគរបាលស្រុកព្រះនេត្រព្រះ ឃាត់ខ្លួន បន្ទាប់ពីយកកាំបិតខ្វែវកាប់ទៅលើប្អូនស្រីបង្កើតរបស់ខ្លួន បណ្តាលឲ្យរងរបួសធ្ងន់ ក្រោយមកក៏បានស្លា.ប់តាមផ្លូវពេលបញ្ជូនទៅសង្គ្រោះនៅមន្ទីរពេទ្យ ។ ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៦និង៣០នាទីព្រឹកថ្ងៃទី១៩ ខែកុម្ភៈ…
ខេត្តបន្ទាយមានជ័យ ៖ បុរសម្នាក់ត្រូវបានកម្លាំងនគរបាលស្រុកព្រះនេត្រព្រះ ឃាត់ខ្លួន បន្ទាប់ពីយកកាំបិតខ្វែវកាប់ទៅលើប្អូនស្រីបង្កើតរបស់ខ្លួន បណ្តាលឲ្យរងរបួសធ្ងន់ ក្រោយមកក៏បានស្លា.ប់តាមផ្លូវពេលបញ្ជូនទៅសង្គ្រោះនៅមន្ទីរពេទ្យ ។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៦និង៣០នាទីព្រឹកថ្ងៃទី១៩ ខែកុម្ភៈ ឆ្នាំ២០២១ នៅភូមិគោកធំ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ ។
លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះ បានឲ្យដឹងថា ជនដៃដល់ជាបងបង្កើតឈ្មោះ យ៉ុន យ៉ាន ភេទប្រុស អាយុ51ឆ្នាំ រស់នៅភូមិគោកធំ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ ។ ចំណែកជនរងគ្រោះជាប្អូនបង្កើតឈ្មោះយ៉ុន យ៉េន ភេទស្រី អាយុ39ឆ្នាំ រស់នៅផ្ទះជាមួយគ្នា ។
លោកអធិការបានបញ្ជាក់ថា ក្រោយពីកើតហេតុ ជនសង្ស័យត្រូវបានកម្លាំងនគរបាលឃាត់ខ្លួន បញ្ជូនមកអធិការដ្ឋាននគគរបាលស្រុក ដើម្បីធ្វើការសួរនាំ ។ នៅចំពោះមុខសមត្ថកិច្ច ជនដៃដល់បានសារភាពថា ខ្លួនមានបំណងកា.ប់ទៅលើឈ្មោះ ជឿយ អេស អាយុ៤១ឆ្នាំ ជាប្អូនថ្លៃ (ប្តីរបស់ស្ត្រីរងគ្រោះ) ដោយសារខឹងនឹងឈ្មោះជឿយ អេស ជាប្អូនថ្លៃ ដើរលេងច្រើន និងបំផ្លាញទ្រព្យសម្បតិ្ត ប្រាក់ក្នុងផ្ទះអស់ជាច្រើន ។
ជនសង្ស័យបានបន្តថា ទើបនៅព្រឹកថ្ងៃទី១៩ ខែកុម្ភៈនេះ ខ្លួនមានបំណងកាប់.ឈ្មោះជឿយ អេស តែឈ្មោះអេសនោះ នៅក្នុងបន្ទប់មិនចេញក្រៅដោយចាក់គន្លឹះជាប់ ស្របពេលនោះខ្លួនឃើញប្អូនស្រីដែលតែងតែការពារប្តី បានចេញពីបន្ទប់ទឹកនៅក្នុងផ្ទះ ខ្លួនក៏មានចេតនាយកកាំបិតខ្វែវនោះកា.ប់ទៅលើស្ត្រីជាប្អូននៅមុខបន្ទប់ទឹក បណ្តាលឱ្យត្រូវក្បាលផ្នែកខាងស្តាំ និងខ្នងដៃឆ្វេង ព្រមទាំងដាច់ម្រាមដៃស្តាំ១ ដោយសាររបួសធ្ងន់ធ្ងរពេក ស្ត្រីរងគ្រោះក៏បានបាត់បង់ជីវិតតាមផ្លូវ ពេលដឹកបញ្ជូនទៅសង្គ្រោះនៅមន្ទីរពេទ្យ ។
លោកវរសេនីយ៍ឯក មាស ប្ញទ្ធី បានបញ្ជាក់ថា ជនសង្ស័យត្រូវបានសមត្ថកិច្ចកសាងសំណុំរឿង បញ្ជូនទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការតាមនិតិវិធី៕
ចែករំលែកព័តមាននេះ