រាជធានីភ្នំពេញ ៖ អ្នកនាំពាក្យក្រសួងសុខាភិបាលបានបញ្ជាក់ថា គិតមកត្រឹម ថ្ងៃទី១៨កុម្ភៈ ឆ្នាំ២០២១ មានអ្នកទៅចាក់វ៉ាក់សាំងការពារជំងឺកូវីដ១៩ ជាង៤ពាន់នាក់ ខណៈអ្នកបានចាក់រួច មានចំនួនជិត៤ពាន់នាក់…
រាជធានីភ្នំពេញ ៖ អ្នកនាំពាក្យក្រសួងសុខាភិបាលបានបញ្ជាក់ថា គិតមកត្រឹម ថ្ងៃទី១៨កុម្ភៈ ឆ្នាំ២០២១ មានអ្នកទៅចាក់វ៉ាក់សាំងការពារជំងឺកូវីដ១៩ ជាង៤ពាន់នាក់ ខណៈអ្នកបានចាក់រួច មានចំនួនជិត៤ពាន់នាក់ ។
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានឲ្យដឹងនៅថ្ងៃទី១៩ ខែកុម្ភៈ ឆ្នាំ២០២១ថា គិតចាប់ពីថ្ងៃទី១០ ដល់១៨ ខែកុម្ភៈ ឆ្នាំ២០២១ ចំនួនអ្នកស្ម័គ្រចិត្តចាក់វ៉ាក់សាំងកូវីដ១៩ ជាជំនួយរបស់ប្រទេសចិន ( Sinopharm)អ្នកមកចាក់វ៉ាក់សាំងកូវីដ១៩ សរុបចំនួន៤៦៦៩នាក់ (ស្រី១៧២២នាក់)។
អ្នកដែលបានចាក់វ៉ាក់សាំងរួច ចំនួន៣៨០៣នាក់(ស្រី១២៥៩នាក់) អ្នកដែលនៅគ្រូពេទ្យមិនអនុញ្ញាតឲ្យចាក់មាន ៨៦៦នាក់(ស្រី៤៦៣នាក់) ។
សូមជម្រាបថា កម្ពុជាបានរកឃើញអ្នកឆ្លងជំងឺកូវីដ១៩ គិតត្រឹមថ្ងៃទី១៩ កុម្ភៈ មានចំនួន៤៨៤នាក់ និងបានព្យាបាលជាសះស្បើយចំនួន៤៧០នាក់ និងកំពុងសម្រាកព្យាបាលចំនួន១៤នាក់ ៕
ចែករំលែកព័តមាននេះ