ពលរដ្ឋខ្មែរ៨នាក់ឆ្លងដែនពីថៃចូលមកខេត្តកោះកុង ត្រូវឃាត់ឲ្យធ្វើចត្តាឡីស័ក
ខេត្តកោះកុង ៖ នៅថ្ងៃទី១៨ ខែកុម្ភៈ ឆ្នាំ២០២១ មានប្រជាពលរដ្ឋខ្មែរ ឆ្លងដែនពីប្រទេសថៃ សំដៅចូលមកកាន់ទីរួមខេត្តកោះកុង ចំនួន៨ នាក់…
ខេត្តកោះកុង ៖ នៅថ្ងៃទី១៨ ខែកុម្ភៈ ឆ្នាំ២០២១ មានប្រជាពលរដ្ឋខ្មែរ ឆ្លងដែនពីប្រទេសថៃ សំដៅចូលមកកាន់ទីរួមខេត្តកោះកុង ចំនួន៨ នាក់ ក្នុងនោះមានស្រីចំនួន៣នាក់ និងប្រុសចំនួន ៥នាក់ រួមនឹងក្មេងម្នាក់ ត្រូវបានឃាត់នាំយកមកធ្វើចត្តាឡីស័ក ១៤ថ្ងៃ ។
តាមការបញ្ជាក់របស់សមត្ថកិច្ច នៅច្រកទ្វារអន្តរជាតិចាំយាម ខេត្តកោះកុង បានអោយដឹងថា ពលករទាំង៨នាក់ខាងលើ បានឆ្លងដែនពីប្រទេសថៃ សំដៅចូលមកកាន់ទីរួមខេត្តកោះកុង មានចំនួន២ក្រុមផ្សេងគ្នា ក្រុមទី១ មានគ្នា៧នាក់ (ស្រី២នាក់ ប្រុស៥នាក់ ក្មេងម្នាក់) បានឆ្លងដែនចូលមកដោយរូបភាពដើរតាមផ្លូវគោកកាត់ព្រៃ មានចម្ងាយប្រមាណជា៣០០ម៉ែត្រ ពីច្រកទ្វារ ហើយត្រូវសមត្ថកិច្ចយើងល្បាតឃើញ និងឃាត់ខ្លួនបាននៅវេលាម៉ោង ៤និង៣០ នាទីទៀបភ្លឺ ថ្ងៃទី១៨កុម្ភៈ ឆ្នាំ២០២១នេះ ។
ចំណែកមួយទៀត គឺស្ត្រីម្នាក់គាត់បានចូលមកតាមច្រកទ្វារអន្តរជាតិចាំយាម ដោយប្រើប៉ាស្ព័រឆ្លងដែន និងមានសំបុត្របញ្ជាក់សុខភាពរបស់មន្ទីរពេទ្យថៃ ជាប់មកជាមួយត្រឹមត្រូវ ។ គាត់មានឈ្មោះ វី នាង ភេទស្រី អាយុ៥០ឆ្នាំ ។ ហើយពេលនេះ សមត្ថកិច្ច ចម្រុះប្រចាំច្រកទ្វារអន្តរជាតិចាំយាម បានបញ្ជូនពួកគាត់ មកកាន់ទីតាំងធ្វើចត្តាឡឺស័ក នៅក្នុងខេត្ត តាមគោលការណែនរបស់ក្រសួងសុខាភិបាលរួចរាល់ហើយ ៕
ចែករំលែកព័តមាននេះ