ខេត្តបន្ទាយមានជ័យ ៖ កងកម្លាំងនាយកដ្ឋាននគរបាលប្រឆាំងបទល្មើសសេដ្ឋកិច្ច បានចុះបង្ក្រាបស្តង់មួយកន្លែង ដកហូតទំនិញសង្ស័យគ្មានច្បាប់និងក្លែងក្លាយ ស្រា ២៣០កេស និងបារី ៥ប៊ិច នៅរសៀលថ្ងៃទី១៧…
ខេត្តបន្ទាយមានជ័យ ៖ កងកម្លាំងនាយកដ្ឋាននគរបាលប្រឆាំងបទល្មើសសេដ្ឋកិច្ច បានចុះបង្ក្រាបស្តង់មួយកន្លែង ដកហូតទំនិញសង្ស័យគ្មានច្បាប់និងក្លែងក្លាយ ស្រា ២៣០កេស និងបារី ៥ប៊ិច នៅរសៀលថ្ងៃទី១៧ ខែកុម្ភៈ ឆ្នាំ២០២១ ស្ថិតភូមិប៉ាលិលេយ្យ សង្កាត់/ក្រុងប៉ោយប៉ែត ។
ប្រតិបត្តិការចុះបង្ក្រាប ដឹកនាំដោយព្រះរាជអាជ្ញារង២រូប រួមថ្នាក់ដឹកនាំ និងមន្ត្រីនាយកដ្ឋាននគរបាលប្រឆាំងបទល្មើសសេដ្ឋកិច្ចប្រមាណ១០រូប បានចុះពិនិត្យឆែកឆេរ ទំនិញស្តង់ធំមួយកន្លែង នៅក្រុងប៉ោយប៉ែត ដោយកម្លាំងជំនាញចុះទៅពិនិត្យឆែកឆេររកឃើញមានទំនិញ២០មុខ មានស្រា២៣០កេស និងបារី ១០៥កេស ស្មើ៥០សុង ដែលសង្ស័យគ្មានច្បាប់ និងក្លែងក្លាយ ។
កម្លាំងជំនាញនាយកដ្ឋាននគរបាលប្រឆាំងបទល្មើសសេដ្ឋកិច្ច បានបញ្ជាក់ថា នៅពេលដែលមន្ត្រីនាយកដ្ឋាននគរបាលប្រឆាំងបទល្មើសសេដ្ឋកិច្ច បានពិនិត្យស្តង់មួយកន្លែង ដែលឆែករកឃើញទំនិញ២០មុខ មានបារី និងស្រា ដែលសង្ស័យគ្មានច្បាប់ និងក្លែងក្លាយ កម្លាំងជំនាញដកហូត និងយកទៅពិនិត្យនៅភ្នំពេញ ដោយរងចាំលទ្ធផល បើជាលទ្ធផលរកឃើញគ្មានច្បាប់ និងក្លែងក្លាយ និងត្រូវដកហូតយកទៅរក្សាទុក ដើម្បីអនុវត្តន៍តាមច្បាប់ ។
នៅពេលកម្លាំងជំនាញចុះពិនិត្យទំនិញឃ្លាំងខាងលើ ត្រូវបានម្ចាស់ឃ្លាំង និយាយគំរាមប្តឹងកម្លាំងដែលចុះអនុវត្តនោះ ដោយម្ចាស់ឃ្លាំងអះអាងថា គឺជាទំនិញដែលស្របច្បាប់ គ្មានការក្លែងបន្លំទេ ហើយសុំអោយកម្លាំងជំនាញ រងចាំនៅថ្ងៃស្អែក១ថ្ងៃទៀត រហូតដល់ថ្ងៃទី១៨ ខែកុម្ភៈ ឆ្នាំ២០២១នេះ ។ យ៉ាងណានៅថ្ងៃនេះ បើសិនគ្មានច្បាប់ហើយក្លែងបន្លំ នឹងត្រូវដកហូតយកទំនិញទាំងអស់ ហើយចាត់វិធានការតាមច្បាប់ ៕ ដោយ៖ ប៊ុន ធឿន
ចែករំលែកព័តមាននេះ