Haaland ប្រាប់ពីមនុស្សម្នាក់ជំរុញឱ្យគេស្រែកឃ្លានជ័យជម្នះ
អេស្ប៉ាញ ៖ កីឡាករ Erling Braut Haaland បន្តការស៊ុតបាល់បញ្ចូលទីដ៏ភ្ញាក់ផ្អើលរបស់ខ្លួននៅ Champions League ខណៈដែល…
អេស្ប៉ាញ ៖ កីឡាករ Erling Braut Haaland បន្តការស៊ុតបាល់បញ្ចូលទីដ៏ភ្ញាក់ផ្អើលរបស់ខ្លួននៅ Champions League ខណៈដែល…
អេស្ប៉ាញ ៖ កីឡាករ Erling Braut Haaland បន្តការស៊ុតបាល់បញ្ចូលទីដ៏ភ្ញាក់ផ្អើលរបស់ខ្លួននៅ Champions League ខណៈដែល Borussia Dortmund បានយកឈ្នះលើម្ចាស់ផ្ទះ Sevilla ក្នុងជំនួបជើងទី១ វគ្គ១៦ក្រុមចុងក្រោយដោយលទ្ធផល ៣-២។
Haaland បានបង្ហាញទម្រង់លេងយ៉ាងអស្ចារ្យ ព្រមទាំងរកបាន២គ្រាប់ម្នាក់ឯងជាចំណែកដ៏ធំក្នុងជ័យជម្នះយប់មិញ។ មុនពេល Dortmund ត្រូវស្វាគមន៍ Sevilla វិញម្តងសម្រាប់ជើងទី២ ដែលធ្វើឡើងនាថ្ងៃទី៩ ខែមីនា ឆ្នាំ២០២១ ខាងមុខ។
ដោយមិនលាក់លៀម Haaland សារភាពថា ការធ្វើបាន Hat-Trick របស់កីឡាករ Kylian Mbappé ជួយ PSG បំបាក់ Barcelona កាលពីថ្ងៃទី១៦ ខែកុម្ភះ ឆ្នាំ២០២១ កន្លងទៅ បានផ្តល់កម្លាំងចិត្តដល់រូបគេអាចរកគ្រាប់បាល់ជួយក្រុមយកឈ្នះ Sevilla។
ខ្សែប្រយុទ្ធន័រវេសវ័យ២០ឆ្នាំរូបនេះ បានប្រាប់ CBS Sports ថា «ខ្ញុំបានឃើញ Mbappe កាលពីម្សិលមិញ។ ហើយគេបានរកគ្រាប់បាល់បានយ៉ាងល្អ។ ហើយខ្ញុំទទួលបានការជំរុញទឹកចិត្តដោយឥតគិតថ្លៃពីគេ!។ អញ្ចឹងវាពិតជាល្អណាស់»៕ (ដកស្រង់ចេញពី Goal.com)
ចែករំលែកព័តមាននេះ