សាលាដំបូងបន្តសវនាការសំណុំរឿង រ៉ុង ឈុន និងបក្ខពួកពីបទញុះញង់
- ភ្នំពេញ
រាជធានីភ្នំពេញ ៖ តាមការគ្រោងទុកសាលាដំបូងរាជធានីភ្នំពេញ នៅព្រឹកថ្ងៃទី១៧ ខែកុម្ភៈ ឆ្នាំ២០២១នេះ សាលាដំបូងរាជធានីភ្នំពេញ បានលើកយកសំណុំរឿង រ៉ុង ឈុន…
រាជធានីភ្នំពេញ ៖ តាមការគ្រោងទុកសាលាដំបូងរាជធានីភ្នំពេញ នៅព្រឹកថ្ងៃទី១៧ ខែកុម្ភៈ ឆ្នាំ២០២១នេះ សាលាដំបូងរាជធានីភ្នំពេញ បានលើកយកសំណុំរឿង រ៉ុង ឈុន និងបក្ខពួកមកបើសវនាការពាក់ព័ន្ធការចោទប្រកាន់ពីបទញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម។
សវនាការនេះដឹកនាំដោយលោក លិ សុខា ចៅក្រមជំនុំជម្រះ និងតំណាងអយ្យការគឺលោក សេង ហៀង ព្រះរាជអាជ្ញារងអមសាលាដំបូងរាជធានីភ្នំពេញ។ សវនាការបានធ្វើឡើងដោយសាធារណៈ ដោយមានមហាជន តំណាងអង្គទូត អង្គការសង្គមស៊ីវិល និងអ្នកសារព័ត៌មាន បានចូលរួមស្តាប់ក្នុងការសាកសួរដេញដោលលើជនជាប់ចោទផងដែរ។ ជនជាប់ចោទ៤នាក់។
១.លោក រ៉ុង ឈុន តំណាងក្រុមប្រឹក្សាឃ្លាំមើលកម្ពុជា និងជាប្រធានសហភាពសហជីពកម្ពុជា២.លោក សួង សុភណ្ឌ ប្រធានគណៈបក្សខ្មែរ ៣.លោក តុល និមល និង៤.អ្នកស្រី ស កណិការ ហើយជនជាប់ចោទទាំង៤ នាក់គឺសុទ្ធតែមានមេធាវីការពារក្តីរៀងៗខ្លួន។ ចំណែកនៅក្រៅបរិវេណសាលាដំបូងវិញ សមត្ថកិច្ចនគរបាល នៃអាជ្ញាធរមូលដ្ឋាន បានដាក់ពង្រាយកម្លាំងការពារ និងរក្សាសន្តិសុខសណ្តាប់ធ្នាប់សង្គម ដូចសវនាការលើកមុនៗដែរ៕ ដោយ ៖ ឃឹម ប៊ុនណាក់
ចែករំលែកព័តមាននេះ