ខេត្តកំពង់ស្ពឺ ៖ ក្រុមជនសង្ស័យចំនួន៨នាក់ ត្រូវបានកម្លាំងនគរបាលស្រុកសំរោងទង សហការជាមួយកម្លាំងនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកំពង់ស្ពឺធ្វើការឃាត់ខ្លួនបាន ខណៈដែលក្រុមជនសង្ស័យបានធ្វើសកម្មភាពស្ទាក់ប្លន់ម៉ូតូពីជនរងគ្រោះ ហើយព្យាយាមជិះគេចខ្លួន ។ នគរបាលបានស្រុកសំរោងទងបាននិយាយឱ្យដឹងថា ក្រោយពីទទួលបានពាក្យបណ្ដឹងពីជនរងគ្រោះមានឈ្មោះ…
ខេត្តកំពង់ស្ពឺ ៖ ក្រុមជនសង្ស័យចំនួន៨នាក់ ត្រូវបានកម្លាំងនគរបាលស្រុកសំរោងទង សហការជាមួយកម្លាំងនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកំពង់ស្ពឺធ្វើការឃាត់ខ្លួនបាន ខណៈដែលក្រុមជនសង្ស័យបានធ្វើសកម្មភាពស្ទាក់ប្លន់ម៉ូតូពីជនរងគ្រោះ ហើយព្យាយាមជិះគេចខ្លួន ។
នគរបាលបានស្រុកសំរោងទងបាននិយាយឱ្យដឹងថា ក្រោយពីទទួលបានពាក្យបណ្ដឹងពីជនរងគ្រោះមានឈ្មោះ ឆៃ ណាសីហា ភេទប្រុស អាយុ២០ឆ្នាំ រស់នៅក្នុងភូមិអង្គសេរី ឃុំជើងរាស់ ស្រុកសាមគ្គីមនីជ័យ ថាត្រូវបានក្រុមជនសង្ស័យធ្វើការស្ទាក់ប្លន់យកម៉ូតូ របស់ខ្លួនម៉ាកPOPZ ពណ៌ទឹកប្រាក់ ពាក់ផ្លាកលេខ កំពង់ស្ពឺ 1AA-4800 នៅលើកំណាត់ផ្លូវក្រាលកៅស៊ូលេខ១៤០ ចំណុចមុខសាលាបឋមសិក្សាអង្គជ្រៃ ស្ថិតនៅភូមិទន្លេរកន្ទិល ឃុំសំរោងទង ស្រុកសំរោងទង ខេត្ដកំពង់ស្ពឺ ហើយប្លន់បានបក្ខពួកក្រុមជនសង្ស័យជិះគេចខ្លួន ។
នគរបាលបានស្រុកសំរោងទងបានបន្តថា ដោយបានការអនុញ្ញាតនិងការដឹកនាំបញ្ជាពី លោកឧត្ដមសេនីយ៍ទោ ឃឹម សុកខៃ ស្នងការ នៃស្នងការដ្ឋាននគរបាលខេត្តកំពង់ស្ពឺ នៅថ្ងៃទី១៩ ខែមិថុនា ឆ្នាំ២០២៥ ម្សិលមិញកម្លាំងនគរបាលស្រុកសំរោងទង បានសហការជាមួយកំលាំងការិយាល័យព្រហ្មទណ្ឌកំរិតស្រាលស្រាវជ្រាវរហូតឈានទៅកំណត់បានមុខសញ្ញានិងឃាត់ជនសង្ស័យបានចំនួន៨នាក់។
នគរបាលស្រុកសំរោងទងបាននិយាយឱ្យដឹងទៀតថា ក្រុមជនសង្ស័យដែលឃាត់ខ្លួនបានទី១-ឈ្មោះ អាន ម៉ានាវ ភេទប្រុស អាយុ១៦ឆ្នាំ រស់នៅភូមិត្រគៀត ឃុំត្រពាំងគង (អ្នកបើកម៉ូតូ)
២/ឈ្មោះ វៃ វិរៈ ហៅវ៉ា ភេទប្រុស អាយុ១៧ឆ្នាំ រស់នៅភូមិអង្គជា ឃុំសំរោងទង (អ្នកកាន់ដាវ)
៣/ឈ្មោះ ទិ បញ្ញា ភេទប្រុស អាយុ១៦ឆ្នាំ រស់នៅភូមិត្រពាំងលែង ឃុំសំរោងទង (អ្នកបើកម៉ូតូ)
៤/ឈ្មោះ ពែល រ៉ាយុទ្ធ ភេទប្រុស អាយុ១៨ឆ្នាំ រស់នៅភូមិត្រពាំងលែង ឃុំសំរោង ទង (បក្ខពួក)
៥/ឈ្មោះ ឡយ ចាន់សុភី ភេទប្រុស អាយុ១៦ឆ្នាំ រស់នៅភូមិអង្គជា ឃុំសំរោងទង (កាន់កាំបិតផ្គាក់)
៦/ឈ្មោះ សុខ ភារៈ ហៅគ្រិត ភេទប្រុស អាយុ១៧ឆ្នាំ រស់នៅភូមិដែកភ្លើង ឃុំរលាំងគ្រើល (ជិះម៉ូតូជនរងគ្រោះ)
៧/ឈ្មោះ សន ឧត្តម ភេទប្រុស អាយុ១៨ឆ្នាំ រស់នៅភូមិសំរោងទងកណ្តាល ឃុំសំរោងទង (បក្ខពួក)
និងទី៨/ឈ្មោះ អាត ប៊ុនស័ក្ត ភេទប្រុស អាយុ១៧ឆ្នាំ រស់នៅក្នុងភូមិក្រាំងស្ពឺ ឃុំរលាំងចក ស្រុកសំរោងទង (បក្ខពួក)។
បើតាមការបញ្ជាក់ពីលោកវរសេនីយ៍ឯក ឃុត សុផល អធិការនគរបាលស្រុកសំរោងទង ឱ្យដឹងថាសមត្ថកិច្ចនគរបាលបានធ្វើការឃាត់ក្រុមជនសង្ស័យ និងដកហូតបានវត្ថុតាងម៉ូតូចំនួន០៣គ្រឿងរបស់ជនសង្ស័យជិះធ្វើសកម្មភាព ០២គ្រឿងនិងម៉ូតូម៉ាក POPZ របស់ជនរងគ្រោះផងដែរ ។
បច្ចុប្បន្ន ក្រុមជនសង្ស័យទាំង៨នាក់រួមជាមួយវត្ថុតាង ត្រូវបាន សមត្ថកិច្ចនគរបាលស្រុកសំរោងទង កសាងសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តកំពង់ស្ពឺ ដើម្បីមានចំណាត់ការបន្ដតាមផ្លូវច្បាប់៕
ចែករំលែកព័តមាននេះ