រាជធានីភ្នំពេញ ៖ អ្នកនាំពាក្យរាជរដ្ឋាភិបាលឯកឧត្តម ប៉ែន បូណា បានគូសបញ្ជាក់ថា នេះជាពេលវេលាដែលខ្មែរគ្រប់គ្នាជួយចូកចែវគ្នា ដោយកុំយកជើងរាទឹក ។ ឯកឧត្តមអ្នកនាំពាក្យបានសរសេរលើបណ្តាញសង្គម…
រាជធានីភ្នំពេញ ៖ អ្នកនាំពាក្យរាជរដ្ឋាភិបាលឯកឧត្តម ប៉ែន បូណា បានគូសបញ្ជាក់ថា នេះ
ជាពេលវេលាដែលខ្មែរគ្រប់គ្នាជួយចូកចែវគ្នា ដោយកុំយកជើងរាទឹក ។
ឯកឧត្តមអ្នកនាំពាក្យបានសរសេរលើបណ្តាញសង្គម នៅថ្ងៃទី២១ មិថុនា ឆ្នាំ២០២៥ ថា ខ្មែរយើងធ្លាប់កំសត់ពេកហើយ ធ្លាប់បែកបាក់គ្នាអស់ចិត្តហើយ។ ប្រទេសយើងធ្លាប់ធ្លាក់ដល់ចំណុចទាបបំផុតក្នុងប្រវត្តិសាស្ត្ររួចហើយ ។ យើងក៏ធ្លាប់ត្រូវគេមើលងាយគ្រប់គ្រាន់ហើយដែរ ។
ឯកឧត្តមបានលើកឡើងថា ដូច្នេះ នេះជាពេលវេលាល្អណាស់ ដែលខ្មែរត្រូវរួមគ្នាជាធ្លុងមួយនៅពីក្រោយថ្នាក់ដឹកនាំ និងកងទ័ព ដើម្បីផ្លាស់ប្តូររូបភាពប្រទេសយើងនៅក្នុងក្រសែភ្នែក និងផ្នត់គំនិតរបស់បរទេស ។
រឿងអ្វីផ្សេងយើងអាចជជែកគ្នាបាន និងចាំជជែកពេលក្រោយ តែកាលៈទេសៈនេះ ខ្មែរត្រូវរួមកម្លាំងកាយ ចិត្ត បញ្ញា ស្មារតី ដើម្បីការពារអធិបតេយ្យភាពជាតិ បូរណភាពទឹកដី និងសេចក្តីថ្លៃថ្នូររបស់ជាតិសាសន៍យើង ។
ឯកឧត្តមបញ្ជាក់ថា ពេលនេះ យើងនៅលើទូកតែមួយ ហើយកំពុងបោះពួយទៅមុខដើម្បីកសាងប្រវត្តិសាស្ត្រថ្មីសម្រាប់កម្ពុជាសម័យទំនើប ។ ដូច្នេះ សូមខ្មែរគ្រប់គ្នាទុកចិត្តលើថ្នាក់ដឹកនាំហើយជួយចូកជួយចែវ និងសូមកុំយកជើងរាទឹក ៕
ចែករំលែកព័តមាននេះ