អេស្ប៉ាញ ៖ កីឡដ្ឋាន Santiago Bernabeu ដែលជាទឹកដីក្រុម Real Madrid នៅមិនទាន់អាចរៀបចំការប្រកួតបាននៅរយៈពេលជាង១១ខែ ដោយសារតែបច្ចុប្បន្នកីឡដ្ឋាននេះកំពុងស្ថិតក្នុងដំណើរការជួសជុលស្ថាបនារូបរាងថ្មីរបស់ខ្លួន។…
អេស្ប៉ាញ ៖ កីឡដ្ឋាន Santiago Bernabeu ដែលជាទឹកដីក្រុម Real Madrid នៅមិនទាន់អាចរៀបចំការប្រកួតបាននៅរយៈពេលជាង១១ខែ ដោយសារតែបច្ចុប្បន្នកីឡដ្ឋាននេះកំពុងស្ថិតក្នុងដំណើរការជួសជុលស្ថាបនារូបរាងថ្មីរបស់ខ្លួន។
កាលពីថ្ងៃទី១៦ ខែកុម្ភះ ឆ្នាំ២០២១ កន្លងទៅ ក្លិបរហស្សនាមអធិរាជសមួយនេះ បានបញ្ចេញវីដេអូពិសេសមួយនៅលើបណ្តាញសង្គមផ្លូវការរបស់ខ្លួន ដោយបង្ហាញពីទិដ្ឋភាពជាក់ស្តែង ជាមួយរូបភាពថ្មីៗមួយចំនួននៃដំណើរការអភិវឌ្ឍរបស់កីឡដ្ឋាននេះ។
ក្នុងខ្សែអាត់វីដេអូក៏បានពន្យល់ពីទិដ្ឋភាពរួមជាច្រើនតាមដំណាក់កាលនីមួយៗ ជាមួយការផ្លាស់ប្តូររចនាសម្ព័ន្ធជាច្រើនទាំងខាងក្នុង និងខាងក្រៅ ជាពិសេការស្ថាបនាកន្លែងអង្គុយ, អគារថ្មីសម្រាប់ចំណតរថយន្ត និងតំបន់ថ្មើរជើង។
យោងតាមការរំពឹងទុកកីឡដ្ឋាននេះ អាចនឹងបញ្ចប់ការងារជួសជុលនៅដើមឆ្នាំ២០២២ ដែលមានន័យថាវានឹងអាចបើកដំណើរការឡើងវិញសម្រាប់ការចាប់ផ្តើមរដូវកាល ២០២២-២៣៕ (ដកស្រង់ចេញពី Marca)
ចែករំលែកព័តមាននេះ