ប្រធានក្លិប Lazio ត្រូវបញ្ជូនទៅតុលាការ ក្រោយរកឃើញពាក់ព័ន្ធករណីមួយ
អ៊ីតាលី ៖ សហព័ន្ធបាល់ទាត់អ៊ីតាលី (FIGC) បានប្រកាសកាលពីថ្ងៃទី១៦ ខែកុម្ភៈ ឆ្នាំ២០២១ ថា លោក Claudio…
អ៊ីតាលី ៖ សហព័ន្ធបាល់ទាត់អ៊ីតាលី (FIGC) បានប្រកាសកាលពីថ្ងៃទី១៦ ខែកុម្ភៈ ឆ្នាំ២០២១ ថា លោក Claudio Lotito ប្រធានក្លិប Lazio និងគ្រូពេទ្យក្លិបគឺលោក Ivo Pulcini និងលោក Fabio Rodia ត្រូវបានបញ្ជូនទៅកាន់តុលាការសហព័ន្ធជាតិ បន្ទាប់ពីការស៊ើបអង្កេតលើការរំ.លោ.ភលើពិធីសារកូវីដ១៩យ៉ាងធ្ងន់ធ្ងរ។
ការស៊ើបអង្កេតមួយបានធ្វើឡើងកាលពីថ្ងៃទី៣ ខែវិច្ឆិកា ឆ្នាំ២០២០ កន្លងទៅ ជុំវិញការអនុវត្តមិនត្រឹមត្រូវតាមពិធីសារកំណត់លើការធ្វើតេស្តរកកូវីដ១៩។ ខណៈដែលលោក Claudio Lotito ត្រូវបានចោទប្រកាន់ថាមិនបានអនុវត្តតាមការត្រួតពិនិត្យសុខភាព និងទំនាក់ទំនងជាចាំបាច់ជាមួយអាជ្ញាធរសុខាភិបាលប្រចាំតំបន់។
ការរំ.លោ.ភបំ.ពា.នត្រូវបានរកឃើញបន្ទាប់ពីពួកគេមិនបញ្ឈប់កីឡាករ៣រូបរបស់ខ្លួន ពីការចូលរួមហ្វឹកហាត់ក្រោយពួកគេទទួលលទ្ធផលវិជ្ជមានវីរុសនេះ និងកំហុស២លើក ដោយមិនអនុវត្តការ នៅដាច់ដោយឡែករយៈពេល១០ថ្ងៃ ដែលចាំបាច់បំផុតសម្រាប់កីឡាករបង្ហាញរោគសញ្ញា មុនពេលពួកគេចូលរួមការប្រកួតក្របខណ្ឌ Serie A។
អ្នកនាំពាក្យក្លិប Lazio លោក Roberto Rao បានច្រានចោលទាំងស្រុងលើការចោទប្រកាន់នេះ ដោយលោកបាននិយាយថា «យើងជឿជាក់លើយុត្តិធម៌»៕ (ដកស្រង់ចេញពី Dailymail)
ចែករំលែកព័តមាននេះ