ខេត្តបាត់ដំបង ៖ កម្លាំងកងរាជអាវុធហត្ថ បានស្ទាក់ឃាត់ខ្លួនមេខ្យល់ចំនួន០២ ដែលប៉ុនប៉ងនាំពលករចំនួន០៥នាក់ឆ្លងដែនចេញទៅប្រទេសថៃ ដោយខុសច្បាប់ កាលពីវេលាម៉ោង៥ល្ងាចថ្ងៃទី១៦ កុម្ភៈ តាមច្រករបៀងមួយ នៅជិតច្រកទ្វារអន្តរជាតិ«ដូង»…
ខេត្តបាត់ដំបង ៖ កម្លាំងកងរាជអាវុធហត្ថ បានស្ទាក់ឃាត់ខ្លួនមេខ្យល់ចំនួន០២ ដែលប៉ុនប៉ងនាំពលករចំនួន០៥នាក់ឆ្លងដែនចេញទៅប្រទេសថៃ ដោយខុសច្បាប់ កាលពីវេលាម៉ោង៥ល្ងាចថ្ងៃទី១៦ កុម្ភៈ តាមច្រករបៀងមួយ នៅជិតច្រកទ្វារអន្តរជាតិ«ដូង» ស្រុកកំរៀង ខណៈកម្លាំងយោធា រួមទាំងសមត្ថកិច្ចគ្រប់ស្ថាប័នផង កំពុងពង្រាយកម្លាំងគ្រប់ច្រកល្ហកតាមព្រំដែន ដើម្បីទប់ស្កាត់ក្រុមពលករឆ្លងដែនទាំងនោះ ដែលគេចវែសពីការចត្តាឡីស័ក។
សេចក្ដីរាយការណ៏បានឲ្យដឹងថា មេខ្យល់ដែលត្រូវឃាត់ខ្លួនចំនួន០២នាក់នោះ ម្នាក់ឈ្មោះ ហេង វិចិត្រ ប្រុសអាយុ៣១ឆ្នាំ មុខរបររត់ម៉ូតូឌុប និង ម្នាក់ទៀតឈ្មោះ កើត ភីន ប្រុសអាយុ៤៧ឆ្នាំ មុខរបររត់ម៉ូតូឌុប ។ រីឯពលករទាំង០៥នាក់ ១-ឈ្មោះ រឿន លីដា ប្រុស អាយុ៣៣ឆ្នាំ ២-ឈ្មោះ កា ជឿន ប្រុសអាយុ២២ឆ្នាំ (មនុស្សគ) ៣-ឈ្មោះ អ៊ុំ តូ ប្រុសអាយុ២៧ឆ្នាំ ៤-ឈ្មោះ វ៉ាន់ រិទ្ធ ប្រុសអាយុ៣៨ឆ្នាំ និង៥-ឈ្មោះ សឿន សែន ប្រុសអាយុ៣៣ឆ្នាំ។ បើតាមសមត្ថកិច្ចបានឲ្យដឹងថា កម្លាំងកងរាជអាវុធហត្ថ បានស្ទាក់ចាប់មេខ្យល់និងក្រុមពលករទាំង០៥នាក់នោះ ពេលពួកគេបំរុងឆ្លងអូរព្រំដែនចេញទៅប្រទេសថៃ ដោយគ្មានច្បាប់។
សូមរំលឹកថា មេខ្យល់ចំនួន០២នាក់មានមុខរបររត់ម៉ូតូឌុបផង ដែលប៉ុនប៉ងនាំមនុស្សឆ្លងដែនខុសច្បាប់ទៅប្រទេសថៃ ខាងលើនេះបានធ្វើឡើង ស្របពេលដែលរាជរដ្ឋាភិបាលកម្ពុជា ដាក់ចេញនូវវិធានការយ៉ាងតឹងតែងបំផុត ដើម្បីទប់ស្កាត់ការីករាលដាលនូវជំងឺកូវីដ១៩ តាមរយៈពលករខ្មែរ ដែលវិលត្រឡប់ពីប្រទេសថៃ មកស្រុកកំណើតវិញ គេចវែសមិនព្រមចូល«ចត្តាឡីស័ក»តាមគោលការអាជ្ញាធរ និង រាជរដ្ឋាភិបាល។ដោយសារគេចមិនព្រម«ចត្តាឡីស័ក» ទើបពលករខ្មែរមួយចំនួននៅតែបន្តឆ្លងដែនខុសច្បាប់ ជាបន្តបន្ទាប់ដោយមានការឃុំឃិតពីមេខ្យល់ទុច្ចរិតជាអ្នកនាំផ្លូវ។
ប៉ុន្តែយ៉ាងណាក៏ដោយ ពាក់ព័ន្ធនឹងករណីមេខ្យល់ទាំង០២នាក់ខាងលើនេះ បើតាមមន្ត្រីកងរាជអាវុធហត្ថ បានប្រាប់ថា ពេលនេះគេបាននិងកំពុងសួរនាំ ដើម្បីកសាងសំណុំរឿងចាត់វិធានការតាមនីតិវិធីហើ់យ៕
ចែករំលែកព័តមាននេះ