ខេត្តបន្ទាយមានជ័យ ៖ បុរសម្នាក់បានមកផឹកស៊ីចូលឆ្នាំចិន-វៀតណាមជាមួយបងប្អូន រួចប្រាប់ថា ធ្លាប់ត្រូវគេវ៉ៃ១០ឆ្នាំមុន ហើយដើរទៅវ៉ៃគេដល់ផ្ទះជាប់ខ្នោះ២នាក់ខ្លាំងអីត្រូវបានកម្លាំងកងរាជអាវុធហត្ថកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៥ ខែកុម្ភៈ ឆ្នាំ២០២១។ លោកវរសេនីយ៍ត្រី នួន…
ខេត្តបន្ទាយមានជ័យ ៖ បុរសម្នាក់បានមកផឹកស៊ីចូលឆ្នាំចិន-វៀតណាមជាមួយបងប្អូន រួចប្រាប់ថា ធ្លាប់ត្រូវគេវ៉ៃ១០ឆ្នាំមុន ហើយដើរទៅវ៉ៃគេដល់ផ្ទះជាប់ខ្នោះ២នាក់ខ្លាំងអីត្រូវបានកម្លាំងកងរាជអាវុធហត្ថកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៥ ខែកុម្ភៈ ឆ្នាំ២០២១។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ឱ្យថា ជនសង្ស័យដែលបង្ករបួសស្នាមដែលត្រូវឃាត់ខ្លួនទាំង២នាក់ខាងលើមាន ១-ឈ្មោះ ស៊ីង រីកាំង ភេទប្រុស អាយុ៣៧ឆ្នាំ ២-ឈ្មោះ ហេង សំបូរ ហៅយី ភេទប្រុស អាយុ៣៦ឆ្នាំ ជនទាំង២នាក់រស់នៅភូមិមានជ័យ ឃុំស្រែស្តៅ ស្រុកសំឡូត ខេត្តបាត់ដំបង។
លោកបានបញ្ជាក់ថា ក្រោយពេលទទួលពាក្យបណ្តឹងពីឈ្មោះ អេង ឃុយ ភេទប្រុស អាយុ៣៦ឆ្នាំ រស់នៅភូមិសាមគ្គីមានជ័យ សង្កាត់-ក្រុងប៉ោយប៉ែត បានប្តឹងជនសង្ស័យ២នាក់ដែលបានធ្វើសកម្មភាពវ៉ៃទៅលើខ្លួន បណ្តាលមានស្នាមរបួស និងខូចខាតសម្ភារៈ កាលពីវេលាម៉ោង៧និង៣០នាទីយប់ កាលពីថ្ងៃទី១២ ខែកុម្ភៈ ឆ្នាំ២០២១ នៅចំណុចបូរី ផ្ទះកើតហេតុខាងលើ។
លោកវរសេនីយ៍ត្រី នួន នីណារ៉ូ បានបញ្ជាក់ថា ក្រោយទទួលពាក្យបណ្តឹងពីជនរងគ្រោះហើយ កម្លាំងកងរាជអាវុធហត្ថក្រុងប៉ោយប៉ែតសហការជាមួយកម្លាំងកងរាជអាវុធហត្ថស្រុកសំពៅឡូត ខេត្តបាត់ដំបង បានឃាត់ខ្លួនជនសង្ស័យ២នាក់ ពាក់ព័ន្ធករណីបង្ករបួសស្នាមទៅលើជនរងគ្រោះ កាលពីថ្ងៃទី១៤ ខែកុម្ភៈ នៅភូមិមានជ័យ ឃុំស្រែស្តៅ ស្រុកសំឡូត ខេត្តបាត់ដំបង និងត្រូវបានបញ្ជូនទីបញ្ជាការកងរាជអាវុធហត្ថក្រុងប៉ោយប៉ែត ដើម្បីធ្វើការសាកសួរនៅថ្ងៃទី១៥ ខែកុម្ភៈនេះ។
តាមចម្លើយសារភាពជនសង្ស័យទាំង២នាក់បានឱ្យដឹងថា ពួកគេបានជួបជុំបងប្អូននៅថ្ងៃសែនចូលឆ្នាំចិន-វៀតណាម រួចបាននាំគ្នាផឹកស៊ីរហូតដល់ស្រវឹងស្រឿងៗ ។ ហើយជនសង្ស័យឈ្មោះ ស៊ីង រីកាំង នៅពេលផឹកស៊ីជួបជុំនោះក៏និយាយរឿងរ៉ាវប្រាប់ថា «កាលពី១០ឆ្នាំមុនឈ្មោះ អេង ឃុយ បានវ៉ៃគេឱុ្យរបួស» ។
ក្រោយលឺបែបនេះហើយ ឈ្មោះ ហេង សំបូរ ហៅយី បានដើរចេញពីវង់ផឹកស៊ីសំដៅទៅផ្ទះជនរងគ្រោះ រួចធាក់ម៉ូតូគេដួល ហើយវ៉ៃទៅលើជនរងគ្រោះ បណ្តាលឱ្យមានរងរបួស តែគ្រានោះត្រូវបានអ្នកជិតខាងជិត១០នាក់ចូលមកឃាត់ រួចយកចេញ ក្រោយមកជនរងគ្រោះក៏បានពាក្យបណ្តឹងប្តឹងឱ្យចាប់ខ្លួនជនសង្ស័យទាំង២នាក់ខាងលើនេះតែម្តង៕
ចែករំលែកព័តមាននេះ