ខេត្តប៉ៃលិន ៖ ក្រោយពីមានការចែកចាយនៅលើបណ្តាញសង្គមហ្វេសប៊ុកលើការរុះរើផ្ទាំងផ្សាយពាណិជ្ជកម្មរួចមក ក៏មានមតិខ្លះលើកឡើងថា «ការរុះរើប៉ាណូខាងលើ ព្រោះមិនទាន់មានច្បាប់អនុញ្ញាតឲ្យដាក់ បែរជាលួចដាក់ស្ងាត់ៗ ដោយគ្មានអាជ្ញាធរជំនាញដឹងឮនោះឡើយ» ។ ហើយអ្នកខ្លះក៏បានសួរថា…
ខេត្តប៉ៃលិន ៖ ក្រោយពីមានការចែកចាយនៅលើបណ្តាញសង្គមហ្វេសប៊ុកលើការរុះរើផ្ទាំងផ្សាយពាណិជ្ជកម្មរួចមក ក៏មានមតិខ្លះលើកឡើងថា «ការរុះរើប៉ាណូខាងលើ ព្រោះមិនទាន់មានច្បាប់អនុញ្ញាតឲ្យដាក់ បែរជាលួចដាក់ស្ងាត់ៗ ដោយគ្មានអាជ្ញាធរជំនាញដឹងឮនោះឡើយ» ។ ហើយអ្នកខ្លះក៏បានសួរថា «លួចដំឡើងយ៉ាងម៉េច? បើផ្ទាំងហ្នឹងមិនមែនតូចឯណា ហើយក៏មិនមែនដំឡើងមួយម៉ោង ពីពីរម៉ោងរួចរាល់ដែរ?
ទោះបីជាយ៉ាងណា ពាក់ព័ន្ធបញ្ហានេះ លោកយូ ពៅ ប្រធានមន្ទីរព័ត៌មានខេត្ត បានរៀបរាប់ឱ្យដឹងនៅវេលាយប់ថ្ងៃទី១៥ កុម្ភៈ ដដែលថា ៖ ការដាក់តម្លើងផ្ទាំងប៉ាណូផ្សាយពាណិជ្ជកម្មរបស់លោកស្រី ទ្រី ដាណា គឺអត់មានច្បាប់ទម្លាប់ត្រឹមត្រូវនោះទេ ហើយពេលអាជ្ញាធរខេត្ត ទាក់ទងតាមលេខទូរស័ព្ទជាច្រើនដង ដើម្បីសួរនាំអត់មានអ្នកទទួល ទៀត។
លោកបានបញ្ជាក់ថា ការដាក់តាំងរូបភាពមនុស្សនៅពីលើក្បាល គឺមិនសមរម្យឡើយ ចុះបើសម្តេច ឬព្រះមហាក្សត្រ ធ្វើដំណើរតាមរថយន្តនៅលើដងផ្លូវខាងលើ នោះមិនដឹងជាយ៉ាងណានោះទេ ។ លើសពីនេះ បើការដាក់តាំងនៅក្បែរចិញ្ចើមផ្លូវនោះទើបល្អមើលជាង ការដាក់ពីលើក្បាល ។
សូមរំលឹកទៀតថា ៖ ផ្ទាំងប៉ាណូក្រុមហ៊ុន ទ្រី ដាណា កាត់ទទឹងផ្លូវនៅក្រុងប៉ៃលិន ដំឡើងរួច រុះរើចេញវិញ
ចែករំលែកព័តមាននេះ