អង់គ្លេស ៖ លោក Jurgen Klopp បានចេញមុខច្រានចោលពាក្យចចាមអារ៉ាមលើបណ្តាញសង្គមដែលអះអាងថា គាត់ត្រៀមនឹងចាកចេញពីក្លិបហង្សក្រហម Liverpool ឬស្នើឈប់សម្រាក ក្រោយបរាជ័យនៅប៉ុន្មានប្រកួតចុងក្រោយ។
Liverpool កំពុងមានកំណត់អាក្រក់ បន្ទាប់ពីចាញ់ការប្រកួតលីគ ៣ប្រកួតជាប់គ្នា ខណៈការចាញ់ចុងក្រោយគឺកាលពីថ្ងៃសៅរ៍សប្តាហ៍មុន ដោយត្រូវម្ចាស់ផ្ទះ Leicester City បំបាក់ដោយលទ្ធផល ៣-១។ ហើយបរាជ័យនេះធ្វើឱ្យក្រុមការពារតំណែងជើងឯកមួយនេះ ឈរនៅលេខ៤ មានគម្លាតពីក្រុមកំពូលតារាង Man City រហូតដល់១៣ពិន្ទុ។
Klopp បាននិយាយថា «តើខ្ញុំត្រូវគេបណ្តេញចេញ ឬចាកចេញដោយខ្លួនឯង? ខ្ញុំមិនត្រូវការ ការឈប់សម្រាកទេ។ ខ្ញុំគ្មានអារម្មណ៍ថាត្រូវការ ការគាំទ្រពិសេសអ្វីនោះទេ។ វាជាការប្រកួតប្រជែងដ៏ធំមួយ។ ខ្ញុំនិងកីឡាករទាំងអស់បានត្រៀមរួចរាល់ហើយ។ ហើយយើងបានផ្តល់អ្វីគ្រប់យ៉ាងដែលមានសម្រាប់ក្រុមមួយនេះ»។ (ដកស្រង់ចេញពី BBC)
ចែករំលែកព័តមាននេះ