Tuchel តាមស្មើកំណត់ត្រា Mourinho នៅ Chelsea
អង់គ្លេស ៖ Chelsea បន្តមិនស្គាល់ចាញ់ក្នុងលីគ៥ប្រកួតជាប់គ្នា ក្រោមការដឹកនាំរបស់លោក Thomas Tuchel បន្ទាប់ពីបានយកឈ្នះលើក្រុមភ្ញៀវ Newcastle ក្នុងលទ្ធផល…
អង់គ្លេស ៖ Chelsea បន្តមិនស្គាល់ចាញ់ក្នុងលីគ៥ប្រកួតជាប់គ្នា ក្រោមការដឹកនាំរបស់លោក Thomas Tuchel បន្ទាប់ពីបានយកឈ្នះលើក្រុមភ្ញៀវ Newcastle ក្នុងលទ្ធផល ២-០ កាលពីយប់ម្សិលមិញ។
ខ្សែប្រយុទ្ធបារាំង Olivier Giroud និងខ្សែប្រយុទ្ធអាល្លឺម៉ង់ Timo Werner ជាអ្នករកជ័យជម្នះសម្រាប់ជំនួបនេះ។ ហើយលទ្ធផលនេះជួយ Chelsea ឡើងមកឈរចំណាត់ថ្នាក់ទី៤ក្នុងតារាងគិតត្រឹមសប្តាហ៍ទី២៤ ដោយមាន៤២ពិន្ទុ តាមពីក្រោយក្រុមកំពូលតារាង Manchester City ចំនួន១១ពិន្ទុ។
លោក Thomas Tuchel រកបាន១៣ពិន្ទុពីការប្រកួតក្នុងលីគចំនួន ៥ប្រកួតដំបូងរបស់គាត់ចាប់តាំងមកដឹកនាំ Chelsea កាលពីខែមករា ឆ្នាំ២០២០ កន្លងទៅ។ ក្នុងនោះឈ្នះ៤ ស្មើ១ ដោយបានតាមស្មើកំណត់ត្រាចាស់ ៥ប្រកួតដំបូងរបស់លោក Jose Mourinho គ្រាដែលគាត់ដឹកនាំក្រុមនេះ៕ (ប្រភពពី OptaJoe)
ចែករំលែកព័តមាននេះ