រាជធានីភ្នំពេញ ៖ ក្រុមជនសង្ស័យចំនួន២នាក់ទំនងជាជនជាតិចិនដូចគ្នាដែលបានធ្វើសកម្មភាពប្លន់ស.ម្លា.ប់ជនរងគ្រោះទាំង២នាក់ប្តីប្រពន្ធជាជនជាតិចិនក្នុងបន្ទប់ខុនដូ រួចនាំគ្នារត់គេចខ្លួនបាត់ស្រមោល និងបង្កឱ្យមានការភ្ញាក់យ៉ាងខ្លាំងកាលពីល្ងាចថ្ងៃទី១៣ ខែមករា ឆ្នាំ២០២១ នៅចំណុចបន្ទប់លេខA១០០៣ ជាន់ទី១០ នៃអគារខុនដូLH…
រាជធានីភ្នំពេញ ៖ ក្រុមជនសង្ស័យចំនួន២នាក់ទំនងជាជនជាតិចិនដូចគ្នាដែលបានធ្វើសកម្មភាពប្លន់ស.ម្លា.ប់ជនរងគ្រោះទាំង២នាក់ប្តីប្រពន្ធជាជនជាតិចិនក្នុងបន្ទប់ខុនដូ រួចនាំគ្នារត់គេចខ្លួនបាត់ស្រមោល និងបង្កឱ្យមានការភ្ញាក់យ៉ាងខ្លាំងកាលពីល្ងាចថ្ងៃទី១៣ ខែមករា ឆ្នាំ២០២១ នៅចំណុចបន្ទប់លេខA១០០៣ ជាន់ទី១០ នៃអគារខុនដូLH RESIDENCE តាមបណ្តោយផ្លូវលេខ៩ ស្ថិតក្នុងសង្កាត់ទន្លេបាសាក់ ខណ្ឌចំការមន រហូតមកដល់ថ្ងៃទី១៥ ខែ កុម្ភៈ ឆ្នាំ២០២១ នេះ មានរយៈពេលជាង១ខែកន្លងមកហើយ ដោយកម្លាំងសមត្ថកិច្ចអះអាងថា បានស្គាល់អត្តសញ្ញាណក្រុមជនដៃដល់អស់ហើយ និងកំពុងតែតាមរកចាប់ខ្លួនផងដែរ ។ គួររំលឹកថា បែកធ្លាយជនដៃដល់សម្លា.ប់ចិនប្រុសស្រី២នាក់ក្នុងខុនដូ
គួរបញ្ជាក់ថា កាលពីល្ងាចថ្ងៃទី១៣ ខែមករា ឆ្នាំ ២០២១ កន្លងមកនេះ មានការភ្ញាក់ផ្អើលមួយបានកើតឡើងនៅចំណុចបន្ទប់ខុនដូលេខ A 1003 ជាន់ទី១០ អគារខុនដូរ LH RESIDENCE ដែលមានទីតាំងនៅតាមផ្លូវ៩ (ក្បែរផ្សារកាប់គោ) ក្នុងសង្កាត់ទន្លេបាសាក់ ខណ្ឌចំការមន ដោយគេបានប្រះឃើញជនរងគ្រោះពីរនាក់ប្តីប្រពន្ធជាជនជាតិចិន ត្រូវបានគេស.ម្លា.ប់នៅក្នុងបន្ទប់ស្នាក់នៅរបស់ខ្លួន។
ដោយបុរសជាប្តីត្រូវបានក្រុមជនសង្ស័យចងដៃ ចងជើង រួចហើយយកខ្សែរឹ.ត.កស.ម្លា.ប់នៅក្នុងបន្ទប់ទឹក ចំណែកឯស្ត្រីជាប្រពន្ធវិញ ក៏ត្រូវក្រុមជនសង្ស័យប្រើក្រណាត់ចងខ្ទប់មុខ ខ្ទប់ច្រមុះ បណ្តាលអោយថប់ដង្ហើមស្លា.ប់យ៉ាងអណោចអធ័មនោះ។
ក្រោយពេលកើតហេតុ កម្លាំងមានសម្ថកិច្ចចម្រុះជាច្រើនបានចុះមកដល់អគារខុនដូរ ខាងលើភ្លាមៗ និងបានបញ្ជាក់ថា ជនរងគ្រោះទាំង២នាក់ប្តីប្រពន្ធ រួមមាន ឈ្មោះ XAO
BO ភេទប្រុស អាយុ៣៨ឆ្នាំ មុខរបរជាប្រធានក្រុមហ៊ុនផលិតដែក និងឈ្មោះ CAO RUIXIN ភេទស្រី អាយុ២១ឆ្នាំ ស្នាក់នៅបន្ទប់ខុនដូរកើតហេតុខាងលើ។
ពាក់ព័ន្ធទៅនឹងករណីខាងលើ ត្រូវបានសមត្ថកិច្ចសន្និដ្ឋានថាជាករណីឃា.ត.ក.ម្ម ប្ល.ន់ស.ម្លា.ប់ ដែលធ្វើឡើងដោយក្រុមជនសង្ស័យជាជនជាតិចិនដូចគ្នា ក្រោយពីធ្វើសកម្មភាពរួច ក្រុមជនសង្ស័យនាំគ្នារត់គេចខ្លួនបាត់ស្រមោលអស់ ហើយសមត្ថកិច្ចកំពុងស៊ើបអង្កេត និងស្រាវជ្រាវ ដើម្បីចាប់ខ្លួនក្រុមជនសង្ស័យទាំងនោះយកមកផ្តន្ទាទោសតាមច្បាប់ផងដែរ ៕
ចែករំលែកព័តមាននេះ