រាជធានីភ្នំពេញ ៖ មានករណីប្រទះឃើញជនជាតិចិនប្រុសស្រី២នាក់បាត់បង់ជីវិតនៅក្នុងបន្ទប់ខុនដូ ហើយត្រូវបានសង្ស័យថាជាករណីឃា.តកម្មស.ម្លា.ប់ ។ គួររំលឹកថា ជនជាតិចិន ២នាក់ បាត់បង់ជីវិត នៅក្នុងអគារខុនដូ LH RESIDENCE
ហេតុការណ៍ខាងលើនេះបានបង្កឱ្យមានការភ្ញាក់ផ្អើលដល់សមត្ថកិច្ចចុះត្រួតពិនិត្យកាលពីវេលាម៉ោង៥ល្ងាចថ្ងៃទី១៣ ខែមករា ឆ្នាំ២០២១ នៅក្នុងខុនដូ យីហោ LH RESIDENCE បន្ទប់លេខ A1003 ជាន់ទី១០ ស្ថិតនៅតាមបណ្ដោយផ្លូវលេខ៩ ភូមិ៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ជនរងគ្រោះប្រុសស្រី២នាក់សមត្ថកិច្ចមិនទាន់អោយស្គាល់អត្តសញ្ញាណនៅឡើយទេ គ្រាន់តែថាដឹងថា ជាជនជាតិចិនស្នាក់នៅក្នុងបន្ទប់កើតហេតុជាមួយគ្នា ក្នុងនោះស្ត្រីរងគ្រោះមានអាយុ២៣ឆ្នាំ ចំណែកបុរសរងគ្រោះមានអាយុ៣៨ឆ្នាំ ។ ដោយឡែកបន្ទប់ជនសង្ស័យដែលជាឃាតករស្នាក់នៅបន្ទប់លេខ A901 ជាន់ទី៩ នៃអាគារខុនដូរជាមួយគ្នា ។
តាមប្រភពីសមត្ថកិច្ច បានបង្ហើបអោយដឹងថា កាលពីថ្ងៃទី១២ ខែមករា ឆ្នាំ២០២១ គឺជនរងគ្រោះទាំង២នាក់ បានមកស្នាក់នៅខុនដូខាងលើ លុះរហូតដល់ថ្ងៃទី១៣ ខែមករា ឆ្នាំ២០២១ បុរសជាអ្នកបើកបររថយន្តអោយជនរងគ្រោះមិនឃើញជនរងគ្រោះចុះមកដូចសព្វដង ក៏មានការងឿងឆ្ងល់ លុះដល់ម៉ោងកើតហេតុ បុរសជាអ្នកបើកបររថយន្តបានឡើងទៅបន្ទប់របស់ជនរងគ្រោះ តែឃើញបន្ទប់ចាក់សោក៏រាយការណ៍ជូនសមត្ថកិច្ចមូលដ្ឋាន អោយចុះទៅជួយបើកទ្វារបន្ទប់ពិនិត្យផងដែរ ។
តាមប្រភពខាងលើបានបន្តថា លុះសមត្ថកិច្ចចុះទៅដល់បានសហការជាមួយអ្នកមើលការខុសត្រូវខុនដូរ និងបានធ្វើការចាក់សោទ្វារចូលទៅក្នុងបន្ទប់ដើម្បីរកមើល ស្រាប់តែឃើញបុរសរងគ្រោះបានបាត់បង់ជីវិតក្នុងបន្ទប់ទឹក ដោយមានស្នាមរឹត.ក ចំណែកស្ត្រីរងគ្រោះបានបាត់បង់ជីវិតនៅលើគ្រែពូក ដោយមានខ្សែចងជើង និងស្នាមរឹត.កដូចគ្នា ។
ពាក់ព័ន្ធនឹងករណីខាងលើនេះ សមត្ថកិច្ចមូលដ្ឋានក៏បានទាក់ទងទៅខាងជំនាញ កោសល្យវិច័យបច្ចេកទេសវិទ្យាសាស្ត្ររាជធានីភ្នំពេញ អោយចុះទៅពិនិត្យកន្លែងកើតហេតុបានឲ្យដឹងថា ពិតជាករណីឃា.តកម្ម ។
សមត្ថកិច្ចបានបន្តទៀតថា ករណីខាងលើនេះត្រូវបានដឹងថាជនសង្ស័យដែលជាឃាត.ករជាអ្នកស្នាក់នៅក្នុងខុនដូជាមួយគ្នា ដោយយោងតាមកាមេរ៉ាសុវត្ថិភាព ប៉ុន្តែអ្វីដែលសមត្ថកិច្ចពិបាកក្នុងការតាមស្រាវជ្រាវរកជនសង្ស័យដែលគេចខ្លួនបាត់នោះ គឺម្ចាស់ខុនដូមិនបានដកប៉ាស្ព័ររបស់ជនសង្ស័យទុកនោះទេ ចំណែកប៉ាស្ព័ររបស់ជនរងគ្រោះទាំង២នាក់មានត្រឹមត្រូវ ។ តាមការណែនាំរបស់អាជ្ញាធរបានឱ្យម្ចាស់ទីតាំងត្រូវតែដកប៉ាស្ព័ររបស់ជនបរទេសដែលចូលមកស្នាក់នៅ ។
ក្រោយពេលកើតហេតុ សពជនរងគ្រោះទាំង២នាក់ត្រូវបានសមត្ថកិច្ច ធ្វើកោសល្យវិច័យវិច័យរួចហើយបានយកទៅតម្កល់ទុកនៅវត្តស្ទឹងមានជ័យ ចំណែកជនសង្ស័យ សមត្ថកិច្ចកំពុងតែតាម ប្រមាញ់យកមកផ្តន្ទាទោសទៅតាមច្បាប់ ៕ (កែសម្រួលដោយ ៖ ធីតា)
ចែករំលែកព័តមាននេះ