រាជធានីភ្នំពេញ ៖ ដើម្បីទប់ស្កាត់ការរីករាលដាលជំងឺកូវីដ-១៩ ចូលដល់សហគមន៍ សម្តេចតេជោ ហ៊ុន សែន នាយករដ្ឋមន្ត្រីបានដាក់បញ្ជាជាថ្មី ឲ្យចាប់មេខ្លោងដែលនាំលួចនាំពលករខ្មែរមកពីប្រទេសថៃ ដោយមិនធ្វើចត្តាឡីស័កនៅតាមព្រំដែនខ្មែរ-ថៃ…
រាជធានីភ្នំពេញ ៖ ដើម្បីទប់ស្កាត់ការរីករាលដាលជំងឺកូវីដ-១៩ ចូលដល់សហគមន៍ សម្តេចតេជោ ហ៊ុន សែន នាយករដ្ឋមន្ត្រីបានដាក់បញ្ជាជាថ្មី ឲ្យចាប់មេខ្លោងដែលនាំលួចនាំពលករខ្មែរមកពីប្រទេសថៃ ដោយមិនធ្វើចត្តាឡីស័កនៅតាមព្រំដែនខ្មែរ-ថៃ បានត្រឹមត្រូវ ។
សារសម្លេងសម្តេចតេជោ ដែលបានចែកចាយ នៅថ្ងៃទី១៤ ខែកុម្ភៈ ឆ្នាំ២០២១ ប្រមុខដឹកនាំប្រទេសបានបញ្ជាក់យ៉ាងដូច្នេះថា «ធ្វើដំណើរពីថៃធ្លាក់រហូតដល់តាកែវ ! ហើយមកធ្វើចត្តាឡីស័កនៅនេះ! អីចឹងបើថា ពួកហ្នឹងមានវិជ្ជមានកូវីដ១៩ វាមិនធ្លាយសហគមន៍ឆ្លងងាប់អន្តរធាន! អីចឹងសូមឲ្យយកចិត្តទុកដាក់ឡើងវិញ! ឥឡូវ ដាក់បទបញ្ជាសាជាថ្មី ទៅតាមព្រំដែនកម្ពុជា-ថៃ! ធ្វើឲ្យម៉ឹងម៉ាត់មែនទែនមើល! កម្លាំងយើងមានគ្រប់គ្រាន់! ប៉ុន្តែហេតុអ្វីបានជាឲ្យធ្លាយមករបៀបនេះ? អីចឹងទេ វាមានផ្លូវកាត់កន្លែងណា? ហើយជាពិសេស គឺខាងតាកែវ សួរចម្លើយអាពួកហ្នឹងមើល! នរណានាំផ្លូវ?
ដើម្បីយើងចាត់ការពួកអាមេខ្លោងនាំផ្លូវហ្នឹងទៀត បាន បាន! បើមិនអីចឹង មិនបានទេ! យើងឥឡូវ គឺថា ចាត់ការអាអ្នកនាំផ្លូវតែម្តង! ព្រោះអានេះ ចូលដល់ប៉ុន្មានដណ្តប់នាក់អីចឹង! អីចឹងមានអ្នកនាំផ្លូវហើយ! អីចឹងសូមឲ្យខាងតាកែវ សួរចម្លើយឲ្យបានច្បាស់! សួរសម្ភាសន៍ឲ្យបានច្បាស់! យើងមិននេះទេ! ត្រូវធ្វើ! លេងមកធ្វើចត្តាឡីស័កនៅតាកែវ ដោយឆ្លងកាត់តាំងពីព្រំដែនថៃ មកដល់តាកែវ! វាមិនងាប់អន្តរធានហើយ យ៉ាងនេះ!»។
ជាមួយគ្នានោះដែរ សម្តេចក៏បានដាក់បញ្ជាឲ្យសមត្ថកិច្ចនៅខេត្តតាកែវ ធ្វើការសាក សួរពលរកខ្មែរដែលមកពីថៃនឹងឲ្យបានម៉ត់ចត់មែនទែន ពីព្រោះថាអ្នកណាធ្វើដំណើរមកពីថៃ រហូតធ្វើចត្តាឡីស័កនៅខេត្តតាកែវមិនឆ្លងគេឯងហើយ ៕
ចែករំលែកព័តមាននេះ