Pep សរសើរកូនក្រុមម្នាក់មិនដាច់ពីមាត់ក្រោយជួយ City លុត Spurs យប់មិញ
អង់គ្លេស ៖ លោក Pep Guardiola អះអាងថាខ្សែបម្រើ Ilkay Gundogan អាចនឹងក្លាយជាកីឡាករឆ្នើមប្រចាំឆ្នាំ បន្ទាប់ពីរូបគេមានទម្រង់លេងយ៉ាងអស្ចារ្យ…
អង់គ្លេស ៖ លោក Pep Guardiola អះអាងថាខ្សែបម្រើ Ilkay Gundogan អាចនឹងក្លាយជាកីឡាករឆ្នើមប្រចាំឆ្នាំ បន្ទាប់ពីរូបគេមានទម្រង់លេងយ៉ាងអស្ចារ្យ ព្រមទាំងរកបាន២គ្រាប់ម្នាក់ឯងកាលពីយប់មិញ ក្នុងជំនួបដែល Man City យកឈ្នះក្រុមភ្ញៀវ Tottenham Hotspur ក្នុងលទ្ធផល ៣-០។
ជ័យជម្នះយប់មិញធ្វើឱ្យ Man City កាន់តែមានសង្ឃឹមខ្ពស់ក្នុងឈ្នះជើងឯក Premier League ក្រោយមាន៥៣ពិន្ទុឈរតំណែងកំពូលតារាង ដោយមានគម្លាតពិន្ទុពីក្រុមលេខ២ Leicester ចំនួន៧ពិន្ទុ ខណៈពួកគេនៅសល់១ប្រកួតក្នុងដៃថែមទៀត។
ក្រោយឃើញទម្រង់ប្រយុទ្ធដ៏អស្ចារ្យរបស់ខ្សែបម្រើ Ilkay Gundogan នឹងថែមទាំងរកបានដល់៤គ្រាប់ពីជំនួបទល់នឹង Liverpool និង Spurs នាំឱ្យលោក Pep Guardiola និយាយថា «វាមើលទៅដូចជា Gundogan នឹងក្លាយជាតួឯកដើម្បីដណ្តើមតំណែងជើងឯកសម្រាប់ Man City។ ហើយខ្ញុំគិតថាគេនឹងក្លាយជាកីឡាករឆ្នើមប្រចាំឆ្នាំរបស់ PFA ។ ខ្ញុំធ្លាប់និយាយច្រើនដងហើយថា គេអាចលេងជាខ្សែប្រយុទ្ធបាន តែគ្រប់គ្នាបែរជាសើច។ ប៉ុន្តែពិតណាស់គេតែងតែមានទម្រង់បែបនេះ»៕ (ដកស្រង់ចេញពី BBC)
ចែករំលែកព័តមាននេះ