ADផ្ទាំងផ្សព្វផ្សាយពាណិជ្ជកម្ម

Picture

​ឡាន១គ្រឿង​​បោះពួយ​បុក​ក្មេង​មិនអស់ចិត្ត​​ពន្លះដើមឈើទៀត​

3 ឆ្នាំ មុន
  • ស្វាយរៀង

ខេត្តស្វាយរៀង​ ៖​ ​រថយន្ត​ក្រុមហ៊ុន​វិ​រៈ​ប៊ុ​ន​ថាំ​មួយគ្រឿង​ ​សង្ស័យអ្នក​​​បើកបរ​​បើក​ក្នុង​ល្បឿន​លឿន​​ក៏​​រេ​ចង្កូត​ធ្លាក់​ផ្លូវ​ទៅ​បុក​ក្មេង​ប្រុស​ម្នាក់​ដែល​កំពុង​ឈ​រកាន់​កង់​នៅ​លើ​ចិញ្ចើម​ផ្លូវ​បណ្តាល​ឲ្យ​រង​របួស​ធ្ងន់ធ្ងរ​ ក្រោយមក​ក៏បាន​បាត់បង់ជីវិតពេល​ឳ​ពុក​ម្តាយ​​បញ្ជូនទៅសង្គ្រោះ​ដល់​មន្ទីរពេទ្យ​ ។ ​ចំណែក​រថយន្ត​បង្ក​បាន​ជ្រុល​ទៅ​បុក​ដើមឈើ​បណ្តាល​ឲ្យ​ក្រឡាប់​ផ្ងារ​ជើង​​ឡើងលើ​ទៅ​មុខ​លែង​រួច​។​ បើ​តាម​សមត្ថកិច្ច​បាន​ឲ្យ​ដឹង​ថា ករណី​គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង​៦​និង​៤០​នាទី​យប់ថ្ងៃ​ទី​១០ ​ខែ​កុ​ម្ភៈ…

ខេត្តស្វាយរៀង​ ៖​ ​រថយន្ត​ក្រុមហ៊ុន​វិ​រៈ​ប៊ុ​ន​ថាំ​មួយគ្រឿង​ ​សង្ស័យអ្នក​​​បើកបរ​​បើក​ក្នុង​ល្បឿន​លឿន​​ក៏​​រេ​ចង្កូត​ធ្លាក់​ផ្លូវ​ទៅ​បុក​ក្មេង​ប្រុស​ម្នាក់​ដែល​កំពុង​ឈ​រកាន់​កង់​នៅ​លើ​ចិញ្ចើម​ផ្លូវ​បណ្តាល​ឲ្យ​រង​របួស​ធ្ងន់ធ្ងរ​ ក្រោយមក​ក៏បាន​បាត់បង់ជីវិតពេល​ឳ​ពុក​ម្តាយ​​បញ្ជូនទៅសង្គ្រោះ​ដល់​មន្ទីរពេទ្យ​ ។ ​ចំណែក​រថយន្ត​បង្ក​បាន​ជ្រុល​ទៅ​បុក​ដើមឈើ​បណ្តាល​ឲ្យ​ក្រឡាប់​ផ្ងារ​ជើង​​ឡើងលើ​ទៅ​មុខ​លែង​រួច​។​

បើ​តាម​សមត្ថកិច្ច​បាន​ឲ្យ​ដឹង​ថា ករណី​គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង​៦​និង​៤០​នាទី​យប់ថ្ងៃ​ទី​១០ ​ខែ​កុ​ម្ភៈ ​ឆ្នាំ​២០២១​ នៅ​លើ​កំណាត់​ផ្លូវជាតិ​លេខ​១ ​ត្រង់​ចំណុច​ចន្លោះ​គីឡូម៉ែត្រ​លេខ​១៣៩-១៤០ ​ស្ថិត​ក្នុងភូមិ​លៀប​ ឃុំ​កណ្តៀង​រាយ ស្រុក​ស្វាយ​ទាប ខេត្តស្វាយរៀង​។

រថយន្ត​​១​គ្រឿង​​ខាងលើ​ជា​របស់​ក្រុមហ៊ុនវិរៈប៊ុនថាំ​ ម៉ាក​ហ៊ី​យ៉ា​ន់​ដាយ ព​ណ៏​ទឹកក្រូច ពាក់​ផ្លា​ក​លេខ ​ភ្នំពេញ​ ២BJ-៦៤៥៨​ ​បើកបរ​​ដោយ​ក​ឈ្មោះ​ធឿ​ន ផា​ន់ ភេទ​ប្រុស អាយុ​៣១​ឆ្នាំ មុខរបរ​បើកបរ​រថយន្ត​​ឱ្យ​ក្រុមហ៊ុន​វរៈ​ប៊ុ​ន​ថាំ រស់នៅ​ភូមិ​ថ្ម​ស​ឃុំ​ថ្ម​ស ស្រុក​បុ​ទុម​សាគរ ខេត្តកោះកុង​​ ត្រូវសមត្ថកិច្ច​ឃាត់ខ្លួន​ ។ ​ចំណែក​ក្មេង​​រង​គ្រោះ​ឈ្មោះ​រុំ វិ​រះ ​ភេទ​ប្រុស អាយុ​១២​ឆ្នាំ មុខរបរ​សិស្ស រស់នៅ​ភូមិ​លៀប ឃុំ​កណ្តៀង​រាយ ស្រុក​ស្វាយ​ទាប ខេត្តស្វាយរៀង ​។​​

តាម​ប្រភព​ដដែល​បន្ត​ទៀត​ថា មុន​ពេល​កើតហេតុ​ គេ​ឃើញ​រថយន្ត​១​គ្រឿង​របស់​ក្រុម​ហ៊ុន​វិរៈប៊ុនថាំ​ខាងលើ​ បើកបរ​​ក្នុង​ទិស​ដៅ​ពី​លិចទៅ​កើត​យ៉ាង​លឿន ​លុះ​មក​ដល់​ចំណុច​កើតហេតុ​ខាងលើ​ ស្រាប់តែ​រេ​ចង្កូត​ធ្លាក់​ផ្លូវ​ទៅ​ខាងស្តាំ ក៏​បាន​ជ្រុល​ទៅ​បុក​ក្មេង​ប្រុស​ម្នាក់​ដែល​កំពុង​ឈ​កាន់​កង់​នៅ​លើ​ចិញ្ចើមថ្នល់​ខាងត្បូង​​យ៉ាង​ពេញ​ទំ​ហ៊ឹង​ បណ្តាល​ឲ្យ​រង​របួស​យ៉ាងធ្ងន់ធ្ងរ ត្រូវ​បានឪពុកម្តាយ​​បញ្ជូន​ទៅ​​មន្ទីរពេទ្យ​បង្អែក​ស្រុក​ស្វាយ​ទាប​ដើម្បី​សង្គ្រោះដែរ ​ប៉ុន្តែ​ដោយ​របួស​ធ្ងន់ធ្ងរ​ពេក ក្មេង​ប្រុសរងគ្រោះ​ក៏​បាន​​បាត់បង់ជីវិត​​នៅ​មន្ទីរពេទ្យ​។​

ក្រោយពេលកើតហេតុ​ ​រថយន្តដែល​រង​ការ​​ខូចខាត​ធ្ងន់ធ្ងរ​ និង​កង់​ដែលរង​ការ​ខូចខាត ស្រាល​ ត្រូវបានសមត្ថកិច្ច​​យក​មក​រក្សា​ទុក​នៅ​អធិការដ្ឋាន​នគរបាល​ស្រុក​ស្វាយ​ទាប ចំណែកឯ​អ្នកបើកបរ​រថយន្ត​ក៏​ត្រូវ​បាន​ឃាត់ខ្លួន​​ ​ដើម្បី​​សួរនាំ និង​ចាត់​ការ​​តាម​នីតិវិធី​ ។ ដោយឡែក សព​ក្មេងប្រុសរងគ្រោះត្រូវបាន​ប្រគល​ឲ្យ​ក្រុម​គ្រួសារ​យក​ទៅ​ធ្វើបុណ្យ​តាម​ប្រពៃណី​៕​

អត្ថបទសរសេរ ដោយ

កែសម្រួលដោយ