ស៊ុតគ្នាដូចព្យុះក្នុងជំនួប Everton ទម្លាក់ Spurs ពី FA Cup
អង់គ្លេស ៖ Everton បន្តឡើងទៅវគ្គ៨ក្រុមចុងក្រោយពានរង្វាន់ FA Cup បន្ទាប់ពីបំបាក់ក្រុមភ្ញៀវ Tottenham Hotspur ក្នុងការប្រកួតដ៏ស្វិតស្វាញបំផុតកាលពីយប់មិញ…
អង់គ្លេស ៖ Everton បន្តឡើងទៅវគ្គ៨ក្រុមចុងក្រោយពានរង្វាន់ FA Cup បន្ទាប់ពីបំបាក់ក្រុមភ្ញៀវ Tottenham Hotspur ក្នុងការប្រកួតដ៏ស្វិតស្វាញបំផុតកាលពីយប់មិញ ដោយលទ្ធផល ៥-៤ ក្នុងម៉ោងបន្ថែម១៥នាទី២ដង។
ខ្សែបម្រើស្លាបប្រេស៊ីល Bernard បានក្លាយជាគ្រាប់ពេជ្ររបស់ Everton បន្ទាប់ពីបំប៉ោងសំណាញ់ទី Spurs ដែលជាគ្រាប់បាល់ជ័យជម្នះនៅនាទី៩៧ ជួយឱ្យក្រុមលោក Carlo Ancelotti កក់កៅអីនៅវគ្គ៨ក្រុមចុងក្រោយ។
លោក Jose Mourinho បានលើកឡើងក្រោយរបូតឱកាសប្រជែងពានរង្វាន់នេះថា «យើងបានគ្រប់គ្រង, បង្កើតឱកាស និងមានចលនាប្រយុទ្ធរកគ្រាប់បាល់យ៉ាងអស្ចារ្យ។ ការរកគ្រាប់បាល់ជួយអ្នកឈ្នះការប្រកួត លុះត្រាតែអ្នកមិនបង្កើតឱ្យមានកំហុសច្រើន។ យើងជាក្រុមល្អបំផុតពេលនាំមុខ ១-០ ។ ប៉ុន្តែនៅ៥នាទីបន្ទាប់វាជាកំហុស, កំហុស, កំហុស, គ្រាប់បាល់, គ្រាប់បាល់, គ្រាប់បាល់»៕ (ដកស្រង់ចេញពី Dailymail)
ចែករំលែកព័តមាននេះ