រាជធានីភ្នំពេញ ៖ ទោះបីជាឆ្នាំ ២០២១ នេះ កូវីដ ១៩ នៅតែមិនទាន់បានបញ្ចប់ក្ដី តែអាជីវ កម្មមួយចំនួនចាប់ផ្ដើមងើបឡើងវិញជាពិសេសការលក់សម្ភារៈ…
រាជធានីភ្នំពេញ ៖ ទោះបីជាឆ្នាំ ២០២១ នេះ កូវីដ ១៩ នៅតែមិនទាន់បានបញ្ចប់ក្ដី តែអាជីវ កម្មមួយចំនួនចាប់ផ្ដើមងើបឡើងវិញជាពិសេសការលក់សម្ភារៈ ឬទំនិញដែលពាក់ព័ន្ធនឹង ពិធីចូលឆ្នាំប្រពៃណីជនជាតិចិន មានសន្ទុះកើនឡើងខ្ពស់ គឺដូចកាលមុនមានវិបត្តិនៃកូវីដ ១៩ ផងដែរ ។
បើតាមអ្នកស្រី ស្រីអូន ម្ចាស់ហាងលក់គ្រឿងសែនចូលឆ្នាំចិន និងពិធីបុណ្យផ្សេងៗ នៅផ្សារអូរឫស្សី បានឱ្យដឹងថា ជិតចូលឆ្នាំចិនបែបនេះទំនិញសម្រាប់សែនចូលឆ្នាំចិន ពិត ជាមានលក់ច្រើន បើធៀបនឹងមុននេះបន្តិច តែបើធៀបនឹងពិធីបុណ្យចូលឆ្នាំចិនឆ្នាំមុន ឃើញ ថា ការលក់មានសកម្មភាពប្រហាក់ប្រហែលគ្នា ដោយមានអ្នកនៅភ្នំពេញមកទិញផ្ទាល់ផង និងមានការបញ្ជាទិញពីអតិថិជននៅតាមបណ្ដាខេត្តសម្រាប់លក់បន្តផង ព្រោះអ្នកស្រីជាអ្នក ចែកចាយដុំ និងរាយ ដូច្នេះតែងតែមានអតិថិជនលក់រាយនៅតាមខេត្តបញ្ជាទិញ ។ អ្នកស្រី បានប្រាប់បន្តថា បើទោះបីជាមានបញ្ហាកូវីដ ១៩ ក្តីតែបងប្អូនដែលមានសែស្រឡាយកូន ចៅចិន និងវៀតណាម នៅតែមករកទំនិញ និងគ្រឿងសម្រាប់សែនចូលឆ្នាំចិនដែលនឹងចូល មកដល់នៅពេលឆាប់ៗខាងមុខនេះ ។
ចំណែកអ្នកលក់អាហារក្រៀមនៅក្នុងផ្សារអូរឫស្សីក៏បាននិយាយថា រៀងរាល់ឆ្នាំពេល ចូលឆ្នាំចិនបែបនេះ តែងតែមានអ្នកមករកទិញសម្រាប់ទុកប្រើប្រាស់ពេលចូលឆ្នាំចិន ហើយ ឆ្នាំនេះ ក៏មិនខុសពីឆ្នាំមុនដែរ គ្រាន់តែសកម្មភាពវាមិនខ្លាំងដូចឆ្នាំមុនៗ ។
ចំណែកអ្នកលក់ជ្រូកខ្វៃ នៅរាជធានីភ្នំពេញ លោក សាយ សុគន្ធា ម្ចាស់ហាងលក់ជ្រូក ខ្វៃ យីហោពូម៉ៅ ជ្រូកខ្វៃ បានឱ្យដឹងថា នៅថ្ងៃធម្មតាលោកទទួលបានការ កុម្មង់ទិញពីអតិថិ ជនចាប់ពី ២០ក្បាលទៅ ៣០ក្បាល ឬយ៉ាងច្រើន ៥០ក្បាល តែដល់ថ្ងៃចូលឆ្នាំចិន លោក ទទួលបានការកុម្មង់ទិញពីអតិថិជន ៤០០ក្បាល ហើយលោកក៏បានបិទការបញ្ជាទិញតាំងពី ថ្ងៃទី ១ខែកុម្ភៈមកម្ល៉េះ ព្រោះលោកមិនអាចផ្គត់ផ្គង់បានគ្រប់នោះទេ ។
លោកបានបន្តថា បើទោះបីជាឆ្នាំនេះកូវីដ ១៩ មិនទាន់បានបញ្ចប់ក្ដី តែការបញ្ជាទិញ ជ្រូកខ្វៃសម្រាប់សែនចូលឆ្នាំចិនច្រើនជាងឆ្នាំមុនទៅទៀត ។ ឆ្នាំមុនលោកទទួលបានបាន កុម្មង់ជាង ៣០០ក្បាល តែឆ្នាំនេះ ៤០០ក្បាល និងត្រៀមពង្រីកបន្តទៀតនៅឆ្នាំក្រោយៗ ដើម្បី បំពេញទៅតាមតម្រូវការទីផ្សារ ។ លោកបន្ថែមទៀតថា កាលពីឆេងម៉េងឆ្នាំមុន ពេលនោះ កូវីដ ១៩ ឆ្លងលើកដំបូងនៅកម្ពុជា ហើយរដ្ឋាភិបាលក៏បានចាត់វិធានការមួយចំនួន ពេលនោះ អ្នកផ្គត់ផ្គង់ជ្រូកខ្វៃជាច្រើនបានខាតឡុងចុងដោយសារតែទិញកូនជ្រូកមកហើយ តែការកុម្មង់ ធ្លាក់ចុះ ។ ចូលដល់រដូវសែនក្បាលទឹក ជ្រូកខ្វៃចាប់ផ្ដើមមានទីផ្សារឡើងវិញ ព្រោះរដ្ឋាភិបាល បានគ្រប់គ្រងល្អលើកូវីដ ១៩ រហូតដល់ចូលឆ្នាំចិនឆ្នាំនេះ ទីផ្សារជ្រូកខ្វៃ សម្រាប់សែនចូល ឆ្នាំចិនងើបឡើងខ្ពស់តែម្ដង ហើយតម្លៃជ្រូកវិញមួយក្បាលឡើងដល់ជិត ២០ម៉ឺនរៀលបន្ថែម ទៀត (ជាតម្លៃឡើង ) ដែលសបញ្ជាក់ពីតម្រូវការខ្លាំងនៅរដូវចូលឆ្នាំចិនឆ្នាំនេះ ។
សូមបញ្ជាក់ថា ប្រមុខរដ្ឋាភិបាលសម្ដេចអគ្គមហាសេនាបតីតេជោ ហ៊ុន សែន បានដាក់ បញ្ជាឱ្យអាជ្ញាធរនៅតាមមូលដ្ឋាន ជាពិសេសតាមព្រំដែន ត្រូវពិនិត្យលើការចេញចូលឆ្លងដែន ក្នុងរដូវចូលឆ្នាំចិននេះ ក្នុងពេលប្រទេសវៀតណាមរកឃើញករណីឆ្លងកូវីដ ១៩ បំលែងខ្លួនថ្មី ដែលជាការព្រួយបារម្ភមួយចំពោះរដ្ឋាភិបាល ។
សម្ដេចក៏បានអំពាវនាវឱ្យបងប្អូនប្រជាពល រដ្ឋត្រូវចេះអនាម័យ និងប្រុងប្រយ័ត្នជានិច្ច នៅក្នុងពេលជួបជុំ ក្នុងពិធីបុណ្យចូលឆ្នាំចិនរបស់ បងប្អូនដែលជាប់សែស្រឡាយចិន នៅពេលខាងមុខនេះ ៕
ចែករំលែកព័តមាននេះ