Conte ប៉ះទង្គិចជាមួយប្រធានក្លិប Juventus រហូតប្រើកាយវិការមិនសមរម្យ
អ៊ីតាលី ៖ លោក Antonio Conte បានទទូចឱ្យលោក Andrea Agnelli ប្រធានក្លិប Juventus…
អ៊ីតាលី ៖ លោក Antonio Conte បានទទូចឱ្យលោក Andrea Agnelli ប្រធានក្លិប Juventus…
អ៊ីតាលី ៖ លោក Antonio Conte បានទទូចឱ្យលោក Andrea Agnelli ប្រធានក្លិប Juventus ត្រូវមានម្ចាស់ការក្នុងភាពជាអ្នកកីឡានិងការគោរព បន្ទាប់ពីអ្នកទាំង២បានប៉ះទង្គិចពាក្យសម្តីគ្នាយ៉ាងខ្លាំងកាលពីយប់មិញ។
Juventus បានកក់កៅអីវគ្គផ្តាច់ព្រ័ត្រពានរង្វាន់ Coppa Italia បន្ទាប់ពីបញ្ចប់ការប្រកួតទាំង២ជើងយកឈ្នះលើក្រុម Inter Milan ដោយលទ្ធផល ២-១។ អ្វីដែលកាន់តែចាប់អារម្មណ៍សម្រាប់ជំនួបយប់មិញ គឺការប៉ះទង្គិចពាក្យសម្តីគ្នារវាងលោក Conte និងលោក Agnelli ដែលធ្លាប់រួមការងារជាមួយគ្នាកាលនៅ Juventus កន្លងមក។
យោងតាមសារព័ត៌មាន RAI របស់អ៊ីតាលីបានឱ្យដឹងថាលោក Conte បានលើកម្រាមដៃកណ្តាលដាក់លោក Agnelli នៅតង់ទី១។ ហើយបន្ទាប់ពីចប់ការប្រកួតលោក Agnelli ក៏បានរត់ទៅកាន់កៅអីបម្រុងរបស់ក្រុម Inter Milan ដោយបានស្រែកជេរ។
លោក Conte មិនចង់បកស្រាយអំពីការប៉ះទង្គិចគ្នានេះទេ ប៉ុន្តែលោកបានលើកឡើងយ៉ាងខ្លីថារឿងទាំងអស់កើតឡើងដោយសារតែអតីតមិត្តរួមការងារចាស់ ហើយមន្ត្រីអាជ្ញាកណ្តាលទី៤ក៏បានឃើញដែរ៕ (ដកស្រង់ចេញពី Dailymail)
ចែករំលែកព័តមាននេះ