អ្នកគាំទ្រខកចិត្តចំពោះ Solskjaer ក្រោយមិនធ្វើរឿងនេះនៅប្រកួតយប់មិញ
អង់គ្លេស ៖ ក្រុម Manchester United បានឡើងកាន់វគ្គ៨ក្រុមចុងក្រោយពានរង្វាន់ FA Cup ក្រោយយកឈ្នះលើក្រុម West…
អង់គ្លេស ៖ ក្រុម Manchester United បានឡើងកាន់វគ្គ៨ក្រុមចុងក្រោយពានរង្វាន់ FA Cup ក្រោយយកឈ្នះលើក្រុម West Ham ទាំងលំបាកក្នុងម៉ោងបន្ថែម១៥នាទី២ដងដោយលទ្ធផល ១-០ កាលពីយប់មិញ ដែលជាការស៊ុតបញ្ចូលទីដោយកីឡាករ Scott McTominay នៅនាទី៩៧។
បើទោះជាទទួលបានជ័យជម្នះសម្រាប់ជំនួបនេះក៏ពិតមែន ប៉ុន្តែអ្នកគាំទ្រ Man UTD មួយចំនួនបានបង្ហាញការខកចិត្តចំពោះលោក Ole Gunnar Solskjaer បន្ទាប់ពីកីឡាករចំណូលថ្មី Amad Diallo ដែលទិញពីក្លិប Atalanta ក្នុងតម្លៃ៣៧លានផោនមានឈ្មោះក្នុងបញ្ជីការប្រកួតនេះ តែមិនត្រូវបានដាក់ឱ្យលេង។
អ្នកគាំទ្របានបង្ហោះសារខកចិត្តយ៉ាងខ្លាំង ខណៈដែលពួកគេកំពុងទន្ទឹងរង់ចាំយ៉ាងអន្ទះសារចង់ឃើញវត្តមាន Diallo បង្ហាញខ្លួនលើកដំបូងសម្រាប់ក្រុមឈុតធំ ហើយការប្រកួតពានរង្វាន់ FA Cup នេះគឺស័ក្តិសមបំផុតក្នុងការដាក់ខ្សែបម្រើស្លាបកូដឌីវ័វ័យ១៨ឆ្នាំរូបនេះឱ្យលេង៕ (ដកស្រង់ចេញពី Dailymail)
ចែករំលែកព័តមាននេះ