បន្តសវនាការសំណុំរឿងឧបឃាត សម រង្ស៉ី និងគូកនដែលបានរួមគំនិត
- ភ្នំពេញ
រាជធានីភ្នំពេញ ៖ សាលាដំបូងរាជធានីភ្នំពេញ នាព្រឹកថ្ងៃទី៩ ខែកុម្ភៈ ឆ្នាំ២០២១នេះ បានបន្តបើកសវនាការជំនុំជម្រះក្តីលើសំណុំរឿងឧបឃាត ដែលជនជាប់ចោទទណ្ឌិត សម រង្ស៉ី…
រាជធានីភ្នំពេញ ៖ សាលាដំបូងរាជធានីភ្នំពេញ នាព្រឹកថ្ងៃទី៩ ខែកុម្ភៈ ឆ្នាំ២០២១នេះ បានបន្តបើកសវនាការជំនុំជម្រះក្តីលើសំណុំរឿងឧបឃាត ដែលជនជាប់ចោទទណ្ឌិត សម រង្ស៉ី មេចលនាឧទ្ទាមក្រៅច្បាប់ និងគូកនអតីតគណៈបក្សសង្គ្រោះជាតិ ១.មួរ សុខហួរ, ២.ហូរ វ៉ាន់, ៣.អេង ឆៃអ៊ាង, ៤.នុត រំដួល, ៥.អ៊ូ ច័ន្ទរិទ្ធ, ៦.ឡុង រី, ៧.ម៉ែន សុថាវរិន្ទ្រ, ៨.អ្នកស្រី ជូឡុង ស៊ូមូរ៉ា និងសកម្មជន៦៦នាក់ផ្សេងទៀត។
ពីបទឧបឃាត ពីបទរួមគំនិតក្បត់ ញុះញុង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម ពាក់ព័ន្ធឲ្យយោធិនមិនស្ដាប់បង្គាប់តាមមាត្រា ៤៥៣-៤៩៤-៥៩៥ និង៤៧១ នៃក្រមព្រហ្មទណ្ឌព្រះរាជាណាចក្រកម្ពុជាដែលមានផែនការប៉ុនប៉ងធ្វើរដ្ឋប្រហារផ្តួលរំលំរាជរដ្ឋាភិបាលស្របច្បាប់ (ផែនការថ្ងៃទី០៩ វិច្ឆិកា ឆ្នាំ២០១៩)។
សវនាការនេះបានបន្តពីសវនាការកាលពីថ្ងៃទី២៩ ខែមករា ឆ្នាំ២០២១កន្លងមក និងជាសវនាការកំបាំងមុខជនជាប់ទាំង៦៦នាក់ ដូចលើកមុនដដែល ប៉ុន្តែចាត់ទុកចំពោះមុខដោយមានមេធាវីការពារក្តីឲ្យជនជាប់ចោទបានចូលរួមដែរ។ ចំណែកនៅជុំវិញបរិវេណសាលាដំបូងវិញ គឺមិនអ្វីកើតឡើងទេ សូម្បីអ្នកគាំទ្រអ្នកឃ្លាំមើល និងអ្នកសាព័ត៌មានក៏អត់ឃើញមានដែរព្រឹកនេះ។ ប៉ុន្តែយ៉ាងក្តីសមត្ថកិច្ច អាជ្ញាធរមូលដ្ឋាន នៅតែដាក់ពង្រាយកម្លាំង រក្សាការពារសន្តិសុខសណ្តាប់ធ្នាប់សាធារណៈ ដោយមិនមានការធ្វេសប្រហែសនោះឡើយ៕ ដោយ ៖ ឃឹម ប៊ុនណាក់
ចែករំលែកព័តមាននេះ