ខេត្តពោធិសាត់ ៖ បុរសម្នាក់ត្រូវបាននគរបាលស្រុកតាលោសែនជ័យឃាត់ខ្លួន បន្ទាប់ពីជនបង្ករូបនេះផឹកស្រវឹង រួចជេរប្រមាថប្រពន្ធកូន និងដុតម៉ូតូមួយគ្រឿង បណ្តាលឱ្យឆេះខ្ទេច ។ ហេតុការណ៍ខាងលើនេះបានកើតឡើងកាលពីវេលាថ្ងៃត្រង់ថ្ងៃទី៨ កុម្ភៈ…
ខេត្តពោធិសាត់ ៖ បុរសម្នាក់ត្រូវបាននគរបាលស្រុកតាលោសែនជ័យឃាត់ខ្លួន បន្ទាប់ពីជនបង្ករូបនេះផឹកស្រវឹង រួចជេរប្រមាថប្រពន្ធកូន និងដុតម៉ូតូមួយគ្រឿង បណ្តាលឱ្យឆេះខ្ទេច ។
ហេតុការណ៍ខាងលើនេះបានកើតឡើងកាលពីវេលាថ្ងៃត្រង់ថ្ងៃទី៨ កុម្ភៈ ឆ្នាំ២០២១ នៅភូមិបត់រំដួល ស្រុកតាលោសែនជ័យ ខេត្តពោធិសាត់ ។
សមត្ថកិច្ចស្រុកតាលោសែនជ័យបានឱ្យដឹងថា ជនបង្កជាប្តីឈ្មោះជ័យ សុធិន អាយុ៣៤ឆ្នាំ មានប្រពន្ធឈ្មោះង៉ោ គា អាយុ៤១ឆ្នាំ ។ គ្រួសារនេះរស់នៅក្នុងភូមិឃុំកើតហេតុខាងលើ ។
សមត្ថកិច្ចបានបញ្ជាក់ថា មុនពេលកើតហេតុ ជនបង្កបានផឹកស៊ីស្រវឹងហើយជេរប្រមាថប្រពន្ធមិនអស់ចិត្ត ក៏បានយកដំបងវាយម៉ូតូមួយគ្រឿងម៉ាកវ៉េវអាល់ហ្វា ស៊េរីឆ្នាំ២០១៤ ពណ៌ខ្មៅ រួចក៏ធ្វើសកម្មភាពដុតកម្ទេចចោលតែម្តង ។
បច្ចុប្បន្ន ជនបង្កម្នាក់ខាងលើត្រូវបានសមត្ថកិច្ចឃាត់ខ្លួន និងចាត់ការតាមនីតិវិធី ៕
ចែករំលែកព័តមាននេះ