ប្រទេសកូរ៉េខាងជើង ៖ យោងតាមរបាយការណ៍សម្ងាត់មួយរបស់ អ.ស.ប ដែលរ៉យទ័របានឃើញនាថ្ងៃទី៨ កុម្ភៈ ថា ប្រទេសកូរ៉េខាងជើងនៅតែរក្សានិងអភិវឌ្ឍន៍កម្មវិធីនុយក្លេអ៊ែរ និងបាលីស្ទិកក្នុងឆ្នាំ២០២០ ដែលរំលោភបំពានបណ្ដាទណ្ឌកម្មរបស់អន្តរជាតិ…
ប្រទេសកូរ៉េខាងជើង ៖ យោងតាមរបាយការណ៍សម្ងាត់មួយរបស់ អ.ស.ប ដែលរ៉យទ័របានឃើញនាថ្ងៃទី៨ កុម្ភៈ ថា ប្រទេសកូរ៉េខាងជើងនៅតែរក្សានិងអភិវឌ្ឍន៍កម្មវិធីនុយក្លេអ៊ែរ និងបាលីស្ទិកក្នុងឆ្នាំ២០២០ ដែលរំលោភបំពានបណ្ដាទណ្ឌកម្មរបស់អន្តរជាតិ ។
តាមរបាយការណ៍នោះរៀបរៀងដោយពួកអ្នកសង្កេតការណ៍ឯករាជ្យថា ក្រុងព្យុងយ៉ាងបានផលិតបណ្ដាសម្ភារមីស៊ីល ថែរក្សាមជ្ឈមណ្ឌលនុយក្លេអ៊ែរនានា និងកែលម្អបណ្ដាហេដ្ឋារចនា
សម្ព័ន្ធមីស៊ីលបាលីស្ទិកដោយខិតខំស្វែងរកឲ្យទទួលបានពីបរទេសនូវសម្ភារនិងបច្ចេកវិទ្យាសម្រាប់កម្មវិធីទាំងនោះ ។
របាយការណ៍ប្រចាំឆ្នាំនោះត្រូវបញ្ជូនឲ្យដល់គណៈកម្មាធិការ អ.ស.ប ដែលត្រួតពិនិត្យទណ្ឌកម្មប្រឆាំងកូរ៉េខាងជើង ប៉ុន្មានសប្ដាហ៍ប៉ុណ្ណោះ ក្រោយការចូលកាន់តំណែងរបស់ប្រធានាធិបតី
ថ្មីអាមេរិកលោកចូ បៃដិន ។ អ្នកនាំពាក្យក្រសួងការបរទេសអាមេរិកឲ្យដឹងនាថ្ងៃទី៨ កុម្ភៈថា រដ្ឋ
ការលោកបៃដិន គ្រោងប្រកាន់យកគោលការណ៍ថ្មីចំពោះកូរ៉េខាងជើងក្នុងនោះមានការពិនិត្យពេញលេញជាមួយបណ្ដាសម្ព័ន្ធមិត្តពីបណ្ដាមធ្យោបាយគាបសង្កត់ និងពីលទ្ធភាពនៃការងារការទូតបែបណាមួយនាពេលអនាគត ។
កាលពីឆ្នាំទៅមិញកូរ៉េខាងជើងបានបង្ហាញក្នុងព្យុហយាត្រាយោធាបណ្ដាមីស៊ីលថ្មីរយៈខ្លីនិងរយៈមធ្យម បណ្ដាមីសីុលបាញ់ចេញពីនាវាមុជទឹក និងមីសីុលបាលីស្ទិករំលងទ្វីប ។
របាយការណ៍លើកឡើងទៀតថា កូរ៉េខាងជើងនិងអីុរ៉ង់សង្ស័យបន្តឡើងវិញកិច្ចសហប្រតិបតិ្តការ ខាងការអភិវឌ្ឍន៍មីសីុលរយៈឆ្ងាយ ដោយអះអាងថា ក្រុងព្យុងយ៉ាងបន្តរំលោភបំពានដំណោះស្រាយនានារបស់ អ.ស.ប ក្នុងវិស័យនុយក្លេអ៊ែរ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ