ព្រះសង្ឃដែលអ្នកស្រុកចាត់ទុកថាជាឧត្តមភេទ ជាស្រែបុណ្យដ៏ប្រសើរ កុំថាឡើយសម្បត្តិត្រឹមមនុស្សលោក សូម្បីតែទេវតា ឥន្ទ ព្រហ្មក៏ក្រាបថ្វាយបង្គំ បើដូច្នោះតើបព្វជិតអាចថ្វាយបង្គំមាតាបិតារបស់ខ្លួនបានដែរឬទេ ? សូមអ្នកបួសទាំងឡាយពិចារណាលើ៥ចំណុចខាងក្រោមដូចតទៅ៖ ១-…
ព្រះសង្ឃដែលអ្នកស្រុកចាត់ទុកថាជាឧត្តមភេទ ជាស្រែបុណ្យដ៏ប្រសើរ កុំថាឡើយសម្បត្តិត្រឹមមនុស្សលោក សូម្បីតែទេវតា ឥន្ទ ព្រហ្មក៏ក្រាបថ្វាយបង្គំ បើដូច្នោះតើបព្វជិតអាចថ្វាយបង្គំមាតាបិតារបស់ខ្លួនបានដែរឬទេ ? សូមអ្នកបួសទាំងឡាយពិចារណាលើ៥ចំណុចខាងក្រោមដូចតទៅ៖
១- បព្វជិតដែលគ្រងសំពត់កាសាយព័ស្តស្ថិតក្នុងឋាន:ជាឧត្តមភេទ ។
២- មាតាបិតាដែលមិនបានបួសស្ថិតក្នុងឋានៈជាហីនភេទ ។
៣- បុគ្គលទាំងឡាយណាដែលស្ថិតក្នុងឋានៈជាឧត្តមភេទមិនអាចថ្វាយបង្គំនូវបុគ្គលទាំងឡាយណាដែលស្ថិតក្នុងឋានៈជាហីនភេទបានទេ ។
៤- បព្វជិតជាឧត្តមភេទ អាចបង្ហាញនូវកតញ្ញុតាធម៌ចំពោះមាតាបិតាក្នុងឋានៈជាកូនដោយកតញ្ញុតាកតវេទិតាធម៌ដូចជាធ្វើអាមិសទានពោលគឺ បច្ច័យ៤មាន សម្លៀកបំពាក់ គ្រឿងដណ្តប់នានា អាហារ ផ្លែឈើ ទីសេនាសនៈ ធ្វើផ្ទះ ឬលំនៅស្ថានជូនគាត់ ជូនថ្នាំសង្កូវ ឬឱសថនានា គក់ច្របាច់គាត់ មើលថែគាត់នៅពេលគាត់មានជំងឺដម្កាត់ជាដើម និងធ្វើធម្មទានដោយពន្យល់ខ្លឹមសារធម៌បានទៅតាមលទ្ធភាព ។
៥- ការគោរពរបស់បព្វជិតចំពោះមាតាបិតា ឬសាធារណជននៅក្នុងសង្គមមិនមែនជាការក្រាបសំពះ ថ្វាយបង្គំ ដោយឱនសិរសា (ឱនក្បាល)ដល់ជើងរបស់មាតាបិតាឬគ្រហស្ថទូទៅឡើយ ប៉ុន្តែជាការប្រព្រឹត្តល្អដោយកាយ វាចា មានអាកប្បកិរិយាល្អ មានបដិសណ្ឋារៈ ជាដើម ។
បើផ្អែកតាមផ្លូវវិន័យ អ្នកបួសកុំថាឡើយដល់ទៅក្រាបថ្វាយបង្គំគ្រហស្ថ សូម្បីតែលើកដៃសំពះក៏មិនបានផង បើភិក្ខុរូបណាប្រព្រឹត្តល្មើសទៅនឹងវិនយប្បញ្ញត្តិ ភិក្ខុរូបនោះនឹងមានទោស ឬត្រូវអាបត្តិ តែជាអាបត្តិកម្រិតស្រាល អាចសម្តែងទោសនៅចំពោះមុខសង្ឃដើម្បីជម្រះទោសបាន ៕ សាន សារិន
ចែករំលែកព័តមាននេះ