អង់គ្លេស ៖ លោក Ole Gunnar Solskjaer បាន​បញ្ជាក់​កាលពី​ថ្ងៃ​ទី​៨ ខែកុម្ភៈ កន្លង​ទៅ​ថា Paul Pogba នឹង​ត្រូវ​អវត្តមាន​២​ឬ​៣​ស​ប្តា​ហ៍​ដោយសារ​បញ្ហា​របួស​ភ្លៅ អំឡុង​ពេល​ការ​ប្រកួត​ដែល Manchester United ស្មើ​៣​ទល់នឹង៣​ជាមួយ Everton កាលពី​ថ្ងៃ​សៅរ៍​ស​ប្តា​ហ៍​មុន​។

អវត្តមាន​របស់​ខ្សែបម្រើ​បារាំង​វ័យ២៧​ឆ្នាំ​រូប​នេះ ក្លាយជា​រឿង​ខកចិត្ត​មួយ​សម្រាប់​ក្រុម​លោក Ole Gunnar Solskjaer ខណៈ​ដែល​ពួក​គេ​កំពុង​ប្រជែង​​ជាមួយ​ក្រុម​កំពូល​តារាង Manchester City នៅ Premier League និង​ក្នុង​ពានរង្វាន់ FA Cup និង Europa League ។

លោក Solskjaer បាន​និយាយ​ថា «​វា​ជា​ការ​រង​របួស​ដែល​នឹង​ត្រូវ​ចំណាយពេល​២​ឬ​៣​ស​ប្តា​ហ៍​។ Paul ពិតជា​សំខាន់​ណាស់​សម្រាប់​ពួក​យើង ហើយ​យើង​នឹង​មិន​ប្រថុយប្រថាន​ទេ​។ គេ​កំពុង​ទទួល​ការ​ព្យាបាល​ពី​បុគ្គលិក​ពេទ្យ ហើយ​យើង​នឹង​នាំ​គេ​ត្រឡប់​មក​វិញ​ឆាប់​ៗ​នេះ តាម​ដែល​អាច​ធ្វើ​បាន​»៕ (​ដកស្រង់​ចេញពី AFP)