ខេត្តកំពង់ចាម ៖ លោក មិន ឃិន ប្រធានក្រុមការងារចុះជួយស្រុកកងមាសបាន នាំយកអំណោយជាគ្រឿងបរិភោគយកមកចែកជូនប្រជាពលរដ្ឋ១០០គ្រួសារ ដេលមកពី៨ភូមិ ក្នុងឃុំរាយប៉ាយ ស្រុកកងមាស
ខេត្តកំពង់ចាម ៖ លោក មិន ឃិន ប្រធានក្រុមការងារចុះជួយស្រុកកងមាសបាន នាំយកអំណោយជាគ្រឿងបរិភោគយកមកចែកជូនប្រជាពលរដ្ឋ១០០គ្រួសារ ដេលមកពី៨ភូមិ ក្នុងឃុំរាយប៉ាយ ស្រុកកងមាស ដែលពិធីចែកអំណោយនេះធ្វើឡើងកាលពីថ្ងៃទី៨ សីហា ២០១៥ ក្នុងបរិវេណវត្តរាយប៉ាយ ឃុំរាយប៉ាយ ស្រុកកងមាស ។
លោក មិន ឃិន មានប្រសាសន៍ថា ជំនួសមុខឲ្យប្រជាពលរដ្ឋទាំង១០០គ្រួសារ សូមថ្លែងអំណរគុណយ៉ាងជ្រាលជ្រៅដល់លោកឧកញ៉ា សៀ សុភ័ក្ត្រ ប្រធានសមាគមព្រះគុណអស្ចារ្យ និងជាប្រធានក្រុមហ៊ុនអេធីអេសគ្រុប ដែលតែងតែចូលរួមចំណែកជួយដល់ប្រជាពលរដ្ឋជួបការលំបាករហូតមក ដែលពេលនេះបាននាំអំណោយជាអង្ករ និងមី ជាការងារមនុស្សធម៌របស់សហគមន៍គ្រីស្ទបរិស័ទនៅប្រទេសកាណាដា ។
លោក មិន ឃិន បានលើកឡើងថា គោលនយោបាយ និងយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធានានូវស្ថិរភាពសង្គម នយោបាយ សន្តិភាព និងសណ្តាប់ធ្នាប់សង្គម ការអភិវឌ្ឍសេដ្ឋកិច្ចប្រកបដោយចិរភាព សិទ្ធិសេរីភាពរបស់ប្រជាពលរដ្ឋក្នុងជំនឿសេរីភាពសាសនា ដោយគ្មានរើសអើងអ្វីទាំងអស់ ។
លោក មិន ឃិន ក៏បានជម្រាបជូនប្រជាពលរដ្ឋពីការរីកចម្រើនរបស់ប្រទេសកម្ពុជា ក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន ដែលបានខិតខំបំពេញភារកិច្ចដើម្បីជាតិមាតុភូមិ និងប្រជារាស្ត្រកម្ពុជាទទួលបានសេចក្តីសុខសន្តិភាព និងរីកចម្រើនរុងរឿង ។ ចក្ខុវិស័យដ៏វែងឆ្ងាយរបស់សម្តេចតេជោ ហ៊ុន សែន គឺកសាងស្ពាន ផ្លូវថ្នល់ សាលារៀន មន្ទីរពេទ្យ ព្រមទាំងហេដ្ឋារចនាសម្ព័ន្ធជាតិជាច្រើនទៀតទុកជាប្រយោជន៍សម្រាប់ប្រជាពលរដ្ឋ ហើយសមិទ្ធផលទាំងអស់នេះ គឺជាទ្រព្យសម្បត្តិសាធារណៈរបស់ប្រជាពលរដ្ឋ ក្នុងការបម្រើជីវភាពប្រចាំថ្ងៃ និងរួមចំណែកកាត់បន្ថយភាពក្រីក្រពិតៗរបស់ប្រជាពលរដ្ឋ ។
លោកឧកញ៉ា សៀ សុភ័ក្ត្រ បានមានប្រសាសន៍ថ្លែងអំណរគុណចំពោះរាជរដ្ឋាភិបាលកម្ពុជា ដែលមានលោក មិន ឃិន ជាប្រធានក្រុមការងារបានបង្កលក្ខណៈងាយស្រួលដល់សមាគមព្រះគុណអស្ចារ្យ មកបំពេញការងារមនុស្សធម៌ និងបានជួយចែករំលែកការលំបាករបស់ប្រជាពលរដ្ឋ ដែលនេះជាព្រះបន្ទូលរបស់ព្រះគ្រីស្ទដែលឲ្យសមាគមព្រះគុណអស្ចារ្យចុះមកជួយប្រជាពលរដ្ឋកម្ពុជា ហើយលោកនឹងពាំនាំទុក្ខលំបាករបស់ប្រជាពលរដ្ឋកម្ពុជាទៅដល់សហគមន៍គ្រីស្ទបរិស័ទនៅប្រទេសកាណាដា ។
ក្រុមការងារ និងថ្នាក់ដឹកនាំសមាគមព្រះគុណអស្ចារ្យបានប្រគល់ជូនប្រជាពលរដ្ឋទាំង១00គ្រួសារ ក្នុងមួយគ្រួសារៗទទួលបានអង្ករ២៥គីឡូក្រាម និងមី១កេស ៕
ចែករំលែកព័តមាននេះ