រាជធានីភ្នំពេញ ៖ ទីបំផុតវ៉ាក់សាំងការពារជំងឺកូវីដ១៩ ចំនួន៦០ម៉ឺនដូស មានឈ្មោះថាស៊ីណូហ្វាម (Sinopharm) ដែលផលិតដោយសាធារណរដ្ឋប្រជាមានិតចិនបានដឹកដាក់យន្តហោះយោធាចិនមកដល់កម្ពុជានៅវេលាម៉ោង៤រសៀល ថ្ងៃទី៧ ខែកុម្ភៈ ឆ្នាំ២០២១…
រាជធានីភ្នំពេញ ៖ ទីបំផុតវ៉ាក់សាំងការពារជំងឺកូវីដ១៩ ចំនួន៦០ម៉ឺនដូស មានឈ្មោះថាស៊ីណូហ្វាម (Sinopharm) ដែលផលិតដោយសាធារណរដ្ឋប្រជាមានិតចិនបានដឹកដាក់យន្តហោះយោធាចិនមកដល់កម្ពុជានៅវេលាម៉ោង៤រសៀល ថ្ងៃទី៧ ខែកុម្ភៈ ឆ្នាំ២០២១ បានបង្ហាញកាន់រឹងមាំពីមិត្តភាពដែកថែបបន្ថែមទៀតរវាងមិត្តភាពកម្ពុជា-ចិន។
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញទៅទទួលផ្ទាល់នៅព្រលានយន្តអន្តរជាតិភ្នំពេញតែម្តង ព្រមទាំងមានការអញ្ជើញចូលរួមថ្នាក់ដឹកជាន់ខ្ពស់ជាច្រើនរូបទៀតផងដែរ។
សម្តេចតេជោ ហ៊ុន សែន នាយករដ្ឋមន្ត្រីបានថ្លែងថា ការទទួលវ៉ាក់សាំងពីចិននៅថ្ងៃទី៧ ខែកុម្ភៈនេះ ចំនួន៦០លានដូសគឺជាជំហ៊ានទី១ ក្នុងចំណោម១លានដូស។ វ៉ាក់សាំងនេះ ក៏បានឆ្លុះបញ្ចាំងបន្ថែមទៀតដែលហៅមិត្តដែកថែបរវាងកម្ពុជា និងចិន។
សម្តេចបន្តថា ទោះបីជាមកដល់ពេលនេះ រាជរដ្ឋាភិបាលទប់ស្កាត់ការរីករាលជំងឺឆ្លងកូវីដ១៩នៅក្នុងសហគមន៍ទ្រង់ទ្រាយធំក្តី ក៏កម្ពុជាយល់ឃើញថាវ៉ាក់សាំងពិតជាមានសារៈសំខាន់ ក្នុងការទប់ស្កាត់ជំងឺកូវី១៩នៅពេលអនាគត ។
សម្តេចបញ្ជាក់ថា ៖ «វ៉ាកសាំងគឺជាដំណោះស្រាយគន្លឹះយុទ្ធសាស្ត្រមួយក្នុងការជួយជីវិតរបស់ប្រជាជន និងសុខភាពសាធារណៈនៅពេលខាងមុខ។ ពិសេសជួយធ្វើកំណែទម្រង់សេដ្ឋកិច្ចនៅពេលខាងមុខ និងជួយជីវភាពប្រជាជនឲ្យមានភាពល្អប្រសើរផងដែរ»។
សម្តេចបន្តថា រាជរដ្ឋាភិបាលបានសហការជាមួយដៃគូរពាក់ព័ន្ធក្នុងការរៀបចំធ្វើយុទ្ធនាការចាក់វ៉ាក់សាំងជំងឺកូវីដ១៩នេះដែ។ រាជរដ្ឋាភិបាលពិតជាដឹងគុណដល់រាជរដ្ឋាភិបាលចិន ដែលបានផ្តល់ជំហានទី១ ចំនួន៦០លានដូស ក្នុងចំណោម១លានដូស។
សម្តេចបានលើកឡើងថា វ៉ាក់សាំងដែលចិនផ្តល់ជូនកម្ពុជាពិតជាមានប្រសិទ្ធភាពខ្ពស់ក្នុងការទប់ស្កាត់ជំងឺកូវីដ១៩ ពីព្រោះថា មានបណ្តាប្រទេសជាច្រើនបានទទួលស្គាល់ពីគុណភាពផងដែរ។
ជាមួយគ្នានោះដែរ សម្តេចក៏បានជំរុញដល់ស្ថាប័នពាក់ព័ន្ធទាំងត្រូវតែខិតខំធ្វើការប្រយុទ្ធប្រឆាំងនឹងជំងឺកូវីដ១៩ឲ្យបានម៉ឺងម៉ាត់ ដើម្បីការជីវិតសុខភាពប្រជាពលរដ្ឋ។
ឯកអគ្គរដ្ឋទូចចិនប្រចាំនៅកម្ពុជាឯកឧត្តម វ៉ាង វិនទៀង( Wang Wentian ) បានលើកឡើងថាការផ្តល់វ៉ាក់សាំងដែលផ្តល់មកកម្ពុជានៅថ្ងៃទីនេះក៏មានការផ្តល់ពីកងទ័ពចិនផងដែរ។
ឯកឧត្តមថា ជំងឺកូវីដ១៩ នៅតែបន្តរីករាលដាលយ៉ាងខ្លាំងនៅក្នុងសកលលោក ហើយភាគីចិនបានខិតខំធ្វើការសហការជួយបណ្តាប្រទេសលើសកលលោក ហើយក៏បានផ្តល់១០លានដូសដល់អង្គការកូវ៉ាក់ផងដែរ។
លោកថា៖ «យើងពិតជាសប្បាយរីករាយថាកម្ពុជាបានចូលរួមយ៉ាងសកម្ម ក្នុងការចូលរួមទប់ស្កាត់ជំងឺកូវីដ១៩បានយ៉ាងល្អ ហើយចិននៅតែធ្វើការសហការជាមួយកម្ពុជាក្នុងការទប់ស្កាត់ជាមួយកម្ពុជាដើម្បីលុបបំបាត់ជំងឺកូវីដ១៩»។
សូមជម្រាបថា វ៉ាក់សាំងដែលចិនផ្តល់ឲ្យមកកម្ពុជានេះអាចចាក់បានលើមនុស្សចាប់ពីអាយុពី១៨ដល់៥៩ឆ្នាំ ប៉ុន្តែចំណែកអ្នកដែលមានអាយុលើសពីនេះមិនអាចចាក់វ៉ាក់សាំងនេះបាននោះទេ។
ក្រសួងសុខាភិបាលនៃព្រះរាជាណាចក្រកម្ពុជា អនុញ្ញាតឱ្យប្រើប្រាស់ជាផ្លូវការ នូវវ៉ាក់សាំង Sinopharm COVID-19 fdruarunıthuienans Beijing Institute of Biological Products Co., Ltd isAnmInn រដ្ឋប្រជាមានិតចិន ដែលបានប្រើប្រាស់ប្រកបដោយសុវត្ថិភាពនៅក្នុងប្រទេសចិន និងប្រទេសមួយចំនួន ក្នុងលក្ខខណ្ឌនៃការប្រើប្រាស់ជាបន្ទាន់ (Emergency Use Author ization) ។ វ៉ាក់សាំងនេះ ត្រូវបានដាក់ឲ្យអនុវត្តតាមពិធីសារស្តីពីយុទ្ធនាការចាក់វ៉ាក់សាំងកូវីដ-១៩ របស់រាជរដ្ឋាភិបាល ចាប់ពីម៉ោង ៩.៣០នាទី ថ្ងៃទី០៤ ខែកុម្ភៈ ឆ្នាំ២០២១៕
ចែករំលែកព័តមាននេះ