អ្នកចាត់ការក្រុមជម្រើសជាតិកម្ពុជាសម្រេចលេងឱ្យក្លិបនៅលីគកំពូលព័រទុយហ្គាល់
អន្តរជាតិ ៖ អ្នកចាត់ការក្រុមជម្រើសជាតិកម្ពុជា លោក Keisuke Honda កាលពីថ្ងៃទី៤ ខែកុម្ភៈ កន្លងទៅថ្មីៗនេះ បានសម្រេចចុះហត្ថលេខាលេងឱ្យក្លិប…
អន្តរជាតិ ៖ អ្នកចាត់ការក្រុមជម្រើសជាតិកម្ពុជា លោក Keisuke Honda កាលពីថ្ងៃទី៤ ខែកុម្ភៈ កន្លងទៅថ្មីៗនេះ បានសម្រេចចុះហត្ថលេខាលេងឱ្យក្លិប Portimonense នៅលីគកំពូលព័រទុយហ្គាល់ជាផ្លូវការដោយគ្មានតម្លៃខ្លួន ជាមួយកិច្ចព្រមព្រៀងរហូតបញ្ចប់រដូវកាលនេះ។
អតីតខ្សែបម្រើឆ្នើមក្រុមជម្រើសជាតិជប៉ុនវ័យ៣៤ឆ្នាំ ដែលធ្លាប់លេងឱ្យក្លិបធំៗនៅអឺរ៉ុបដូចជា AC Milan និង CSKA Moscow គ្មានក្លិបលេង ចាប់តាំងពីរូបគេប្រកាសចាកចេញពីក្លិបប្រកបអាជីពចុងក្រោយ Botafogo នៅលីគកំពូលប្រេស៊ីលកាលពីចុងខែធ្នូ ឆ្នាំ២០២០ កន្លងទៅ។
សូមបញ្ជាក់ថា Honda នឹងពាក់អាវ៤សម្រាប់ក្រុមថ្មីរបស់ខ្លួន ហើយរូបគេគឺជាកីឡាករជប៉ុនទី៣ ដែលមានវត្តមានសម្រាប់ Portimonense នៅរដូវកាលនេះ បន្ទាប់ពីខ្សែការពារ Koki Anzai និងអ្នកចាំទី Kosuke Nakamura៕ (ដកស្រង់ចេញពី Kyodo News)
ចែករំលែកព័តមាននេះ