Calvert-Lewin បង្អាក់ដំណើរប្រជែងជើងឯករបស់ Man UTD នៅម៉ោងបន្ថែម
អង់គ្លេស ៖ លោក Ole Gunnar Solskjaer បានអះអាងថា Manchester United មិនមែនជាក្រុមប្រជែងជើងឯក…
អង់គ្លេស ៖ លោក Ole Gunnar Solskjaer បានអះអាងថា Manchester United មិនមែនជាក្រុមប្រជែងជើងឯក…
អង់គ្លេស ៖ លោក Ole Gunnar Solskjaer បានអះអាងថា Manchester United មិនមែនជាក្រុមប្រជែងជើងឯក Premier League រដូវកាលនេះទេ។ ការលើកឡើងបែបនេះក្រោយពេល Man UTD បានត្រឹមស្មើភ្ញៀវ Everton ក្នុងលទ្ធផល ៣-៣។
Man UTD បាននាំមុខ២គ្រាប់មុនក្នុងតង់ទី១ ដោយកីឡាករ Edinson Cavani និង Bruno Fernandes។ ប៉ុន្តែចូលដល់តង់ទី២ Everton តាមស្មើមកវិញ សម្រេចបានដោយកីឡាករ Abdoulaye Doucouré និង James Rodríguez។
លុះដល់នាទី៧០ Scott McTominay រកគ្រាប់ទី៣នាំមុខសារជាថ្មីឱ្យ Man UTD។ ប៉ុន្តែក្តីសង្ឃឹមយក៣ពិន្ទុពីជំនួបនេះសម្រាប់ក្រុមលោក Solskjaer បានបញ្ចប់ទាំងស្រុង បន្ទាប់ពីខ្សែប្រយុទ្ធ Dominic Calvert-Lewin តាមស្មើនៅនាទី៩០+៥ជិតបញ្ចប់ការប្រកួត។
Man UTD បន្តឈរនៅចំណាត់ថ្នាក់ទី២បណ្តោះអាសន្ន មាន៤៥ពិន្ទុតាមពីក្រោយក្រុមកំពូលតារាង Man City ដែលសល់២ប្រកួតក្នុងដៃមិនទាន់លេងចំនួន២ពិន្ទុ។
លោក Solskjaer បាននិយាយថា «យើងមិននិយាយអំពីការឈ្នះពាននោះទេ។ ជាមួយក្រុមនេះ យើងបានឆ្លងកាត់ផ្លូវដ៏វែងឆ្ងាយ។ យើងមិនគួរត្រូវបានចាត់ទុកថាជាក្រុមប្រជែងជើងឯកនោះទេ។ យើងត្រូវតែក្លាយជាក្រុមកាន់តែល្អប្រសើរ ហើយនិងរង់ចាំមើលលទ្ធផលនៅចុងបញ្ចប់»៕ (ដកស្រង់ចេញពី Dailymail)
ចែករំលែកព័តមាននេះ