ខេត្តបាត់ដំបង ៖ កែប្រែតំបន់ប្រវត្តិសាស្ត្រទៅជាតំបន់ទេសចរណ៍ បន្ទាប់ពីផ្ទះតាម៉ុកនៅអន្លង់វែងនៅទីនេះក៏ជាផ្ទះរបស់លោកសុន សេន ដែលពេលអតីតកាលនោះ ជាទីបញ្ជាការដ្ឋានសមភូមិជួរមុខរបស់មន្ត្រីជាន់ខ្ពស់ ក្នុងរបបកម្ពុជាប្រជាធិបតេយ្យ ដែលស្ថិតនៅស្រុកកំរៀង ។…
ខេត្តបាត់ដំបង ៖ កែប្រែតំបន់ប្រវត្តិសាស្ត្រទៅជាតំបន់ទេសចរណ៍ បន្ទាប់ពីផ្ទះតាម៉ុកនៅអន្លង់វែងនៅទីនេះក៏ជាផ្ទះរបស់លោកសុន សេន ដែលពេលអតីតកាលនោះ ជាទីបញ្ជាការដ្ឋានសមភូមិជួរមុខរបស់មន្ត្រីជាន់ខ្ពស់ ក្នុងរបបកម្ពុជាប្រជាធិបតេយ្យ ដែលស្ថិតនៅស្រុកកំរៀង ។
នៅវេលាព្រឹកថ្ងៃទី០៣ កុម្ភៈ លោក ងួន រតនៈ អភិបាលនៃគណៈអភិបាលខេត្ត បានចុះពិនិត្យទីតាំងផ្ទះអតីតមន្ត្រីជាន់ខ្ពស់ក្នុងរបបកម្ពុជាប្រជាធិបតេយ្យ សម័យខ្មែរក្រហម
(ផ្ទះលោក សុន សេន ) ដែលស្ថិតនៅភូមិអូរដា ឃុំអូរដា ស្រុកកំរៀង ខេត្តបាត់ដំបង ដែលមានការចូលរួមពីលោកប្រធានមន្ទីរសេដ្ឋកិច្ច និងហិរញ្ញវត្ថុខេត្ត លោកស្នងការនគរបាលខេត្ត លោកសុខ គង់ អតីតអភិបាលរងខេត្តបាត់ដំបង បច្ចុប្បន្នជាសមាជិកក្រុមប្រឹក្សាខេត្ត និងអ្នកពាក់ព័ន្ធមួយចំនួនទៀត។
លោក ងួន រតនៈ បានណែនាំរដ្ឋបាលស្រុក និងអ្នកពាក់ព័ន្ធ ត្រូវរៀបចំ និងជាទីបញ្ជាការដ្ឋានសមភូមិជួររបស់របបកម្ពុជាប្រជាធិបតេយ្យ និងផ្ទះមន្ត្រីជាន់ខ្ពស់ក្នុងរបបកម្ពុជាប្រជាធិបតេយ្យ(ផ្ទះលោក សុន សេន) ឱ្យក្លាយទៅជាតំបន់ទេសចរណ៍ប្រវត្តិសាស្ត្រនាថ្ងៃខាងមុខបន្ទាប់ពីក្រុមការងារបោសសំអាតមីន បញ្ចាប់បេសកកម្មចប់សព្វគ្រប់ ។
លោក អភិបាល នៃគណៈអភិបាលខេត្ត បានផ្តល់ផ្តាំផ្ញើបន្តទៀតថា ចំពោះផ្ទះរបស់ក្រុមការងារបោសសំអាតមីន កំពុងវត្តមាននៅទីនេះដែរនោះ គួររៀបចំទៅជាផ្ទះស្នាក់សម្រាប់ភ្ញៀវទេសចរណ៍ និងរៀបចំត្រង់សេ កន្លែងផ្សេងៗ ឱ្យក្មេងៗជំនាន់ក្រោយបានយល់ដឹងអំពីប្រវត្តិសាស្ត្រ មុនសម័យកាលបង្រួបបង្រួមជាតិ ក្រោមយុទ្ធសាស្ត្រឈ្នះ ឈ្នះ របស់សម្តេចតេជោហ៊ុន សែន និងដើម្បីភ្ញៀវអន្តរជាតិចូលមកទស្សនារមណីយដ្ឋានបានយល់ដឹងអំពីប្រវត្តិសាស្ត្រមួយនេផងដែរ។
បើយោងតាមឯកសារប្រវត្តិសាស្ត្ររបបកម្ពុជាប្រជាធិបតេយ្យ លោក សុន សេន ហៅសម្ភត្តមិត្ត ខៀវ កើតនៅថ្ងៃទី១២ ខែមិថុនា ឆ្នាំ១៩៣០ កើតនៅខេត្តត្រាវវិញ ប្រទេសវៀតណាម នៅក្នុងរបបកម្ពុជាប្រជាធិបតេយ្យ លោក សុន សេន មានតំណែងជាឧបនាយករដ្ឋមន្ត្រីទី៣ ទទួលបន្ទុកការងារការពារជាតិ និងគ្រប់គ្រងផ្ទាល់ទៅលើមន្ទីរស២១ ។ នៅក្នុងឯកសារប្រវត្តិសាស្ត្រក្នុងនោះបានបញ្ជាក់ទៀតថា លោក សុន សេន និងក្រុមគ្រួសារត្រូវបានគេសម្លាប់នៅថ្ងៃទី១០ ខែមិថុនា ឆ្នាំ១៩៧៩ ៕
ចែករំលែកព័តមាននេះ