រាជធានីភ្នំពេញ ៖ លោក ថេង សុថុល ប្រធានគណៈកម្មការអនុសាខាកាកបាទក្រហមខណ្ឌសែនសុខ បានដឹកនាំសមាជិករបស់ខ្លួនទៅទទួលទេយ្យទានពីចៅអធិការវត្តឃ្មួញ ស្ថិតក្នុងសង្កាត់ឃ្មួញ ខណ្ឌសែនសុខកាលពីវេលាម៉ោង៩ព្រឹក ថ្ងៃទី០៧ សីហា ២០១៥ ។
ទេយ្យទានដែលចៅអធិការវត្តឃ្មួញបានប្រគល់ឱ្យរួមមាន ថវិកា១លានរៀល និង១០០ដុល្លារអាមេរិក, បាឡុង១៥, មី៦កេស, ទឹកដោះគោ១៧កំប៉ុង, ស្ករស១១គីឡូក្រាម, តែ៣៥កញ្ចប់, ទឹកសុទ្ធ៨កេស, អង្ករ៥បាវ, ទឹកក្រូច៣កេស, ទឹកផ្លែឈើ១កេស, ទឹកត្រី៧យួរ និងទឹកស៊ីអ៊ីវ២យួរ ។
លោក ថេង សុថុល បានឱ្យដឹងថា លោកនឹងឱ្យខាងភូមិ-សង្កាត់ជួយមើល តើគ្រួសារណាទុរគត ឬមានការខ្វះខាត លោកនឹងយកទេយ្យទានដែលលោកទទួលបាននេះទៅជួយដោះស្រាយជីវភាព ៕
ចែករំលែកព័តមាននេះ