បិសាចក្រហមសំពង Southampton សល់គ្នាត្រឹម៩នាក់ចំនួន៩គ្រាប់
អង់គ្លេស ៖ Manchester United បានបង្កើតកំណត់ត្រាក្នុងក្របខណ្ឌ Premier League បន្ទាប់ពីយកឈ្នះក្រុមភ្ញៀវ Southampton មានគ្នាត្រឹម៩នាក់កាលពីយប់ម្សិលមិញ…
អង់គ្លេស ៖ Manchester United បានបង្កើតកំណត់ត្រាក្នុងក្របខណ្ឌ Premier League បន្ទាប់ពីយកឈ្នះក្រុមភ្ញៀវ Southampton មានគ្នាត្រឹម៩នាក់កាលពីយប់ម្សិលមិញ…
អង់គ្លេស ៖ Manchester United បានបង្កើតកំណត់ត្រាក្នុងក្របខណ្ឌ Premier League បន្ទាប់ពីយកឈ្នះក្រុមភ្ញៀវ Southampton មានគ្នាត្រឹម៩នាក់កាលពីយប់ម្សិលមិញ ដោយលទ្ធផល ៩-០។
ខ្សែបម្រើ Alexandre Jankewitz ទទួលបានកាតក្រហមតាំងពីនាទី២ក្នុងតង់ទី១ មុនពេលខ្សែការពារ Jan Bednarek ក៏បានកាតក្រហមនៅនាទី៨៦ ជិតបញ្ចប់តង់ទី២។
ក្រឡេកមក៩គ្រាប់របស់ Man UTD ធ្វើសម្រេចបានដោយកីឡាករ Aaron Wan-Bissaka, Marcus Rashford, Edinson Cavani, Scott McTominay, Bruno Fernandes, Daniel James និង Anthony Martial ២គ្រាប់ម្នាក់ឯង។ ខណៈខ្សែការពារ Jan Bednarek របស់ Southampton ធ្វើឱ្យចូលខ្លួនឯង១គ្រាប់ផងដែរ។
វាក្លាយការប្រកួតទី៣ក្នុងប្រវត្តិសាស្ត្រ Premier League ដែលក្រុមមួយអាចយកឈ្នះលើគូប្រកួតដោយលទ្ធផល ៩-០ ។ ខណៈដែលប្រកួតលើកទី១កើតឡើងកាលពីឆ្នាំ ១៩៩៥ គ្រាដែល Man UTD យកឈ្នះក្រុម Ipswich Town និងលើកទី២កាលពីឆ្នាំ ២០១៩ ពេលដែល Leicester City យកឈ្នះលើ Southampton ផងដែរ។
ក្រុមលោក Solskjaer បន្តឈរនៅចំណាត់ថ្នាក់ទី២ ដោយមាន៤៤ពិន្ទុស្មើក្រុមកំពូលតារាង Man City តែចាញ់គ្រាប់ចំណេញ។ ខណៈក្រុមលោក Pep Guardiola នៅសល់២ប្រកួតក្នុងដៃដែលមិនទាន់លេង៕ (ដកស្រង់ចេញពី BBC)
ចែករំលែកព័តមាននេះ