អង់គ្លេស ៖ ខ្សែការពារកណ្តាល Joel Matip របស់ក្រុមហង្សក្រហម Liverpool ត្រូវអវត្តមានពីទីលានប្រកួតរហូតដល់បញ្ចប់រដូវកាលនេះ ដោយសារបញ្ហារបួសកជើង។ អតីតកីឡាករក្រុមជម្រើសជាតិកាមេរូនវ័យ២៩ឆ្នាំរូបនេះ…
អង់គ្លេស ៖ ខ្សែការពារកណ្តាល Joel Matip របស់ក្រុមហង្សក្រហម Liverpool ត្រូវអវត្តមានពីទីលានប្រកួតរហូតដល់បញ្ចប់រដូវកាលនេះ ដោយសារបញ្ហារបួសកជើង។
អតីតកីឡាករក្រុមជម្រើសជាតិកាមេរូនវ័យ២៩ឆ្នាំរូបនេះ បានរងរបួសអំឡុងការប្រកួតដែល Liverpool យកឈ្នះក្រុម Tottenham ក្នុងលទ្ធផល ៣-១ កាលពីថ្ងៃព្រហស្បតិ៍សប្តាហ៍មុន។
វាក្លាយជាដំណឹងដ៏អាក្រក់បំផុតសម្រាប់ក្រុមលោក Jurgen Klopp បន្ទាប់ពីខ្សែការពារ Virgil van Dijk និងខ្សែការពារ Joe Gomez ក៏កំពុងស្ថិតក្រៅទីលានរួចទៅហើយដោយសារតែបញ្ហារបួស។
នៅថ្ងៃចុងក្រោយនៃទីផ្សាដោះដូរកីឡាករខែមករា Liverpool បានសម្រេចការចុះហ្ថតលេខាលើខ្សែការពារ Ben Davies ពីក្លិប Preston ក្នុងតម្លៃ១,៦លានផោនជាមួយកុងត្រារយៈពេលយូរ។ ពួកគេក៏បានសម្រេចការខ្ចីជើងខ្សែការពារ Ozan Kabak ពីក្លិប Schalke 04 រហូតបញ្ចប់រដូវកាលនេះ ដើម្បីមកបំពេញចន្លោះដែលកំពុងខ្វះខាត៕ (ដកស្រង់ចេញពី BBC)
ចែករំលែកព័តមាននេះ