អង់គ្លេស ៖ ទីផ្សារដោះដូរកីឡាករសម្រាប់ខែមករាសម្រាប់ក្របខណ្ឌ Premier League បានបញ្ចប់ជាស្ថាពរកាលពីយប់ម្សិលមិញ។ ហើយការដោះដូរកីឡាករជាច្រើនក៏បានកើតឡើងនៅថ្ងៃចុងក្រោយនេះផងដែរ។ ការដោះដូរថ្ងៃចុងក្រោយទទួលការចាប់អារម្មណ៍ខ្លាំងគឺ Liverpool បញ្ចប់ការចុះហត្ថលេខាលើខ្សែការពារ…
អង់គ្លេស ៖ ទីផ្សារដោះដូរកីឡាករសម្រាប់ខែមករាសម្រាប់ក្របខណ្ឌ Premier League បានបញ្ចប់ជាស្ថាពរកាលពីយប់ម្សិលមិញ។ ហើយការដោះដូរកីឡាករជាច្រើនក៏បានកើតឡើងនៅថ្ងៃចុងក្រោយនេះផងដែរ។
ការដោះដូរថ្ងៃចុងក្រោយទទួលការចាប់អារម្មណ៍ខ្លាំងគឺ Liverpool បញ្ចប់ការចុះហត្ថលេខាលើខ្សែការពារ Ben Davies របស់ក្លិប Preston ក្នុងតម្លៃ ១,៦លានផោនជាមួយកុងត្រារយៈពេលយូរ។ រួមទាំងកិច្ចព្រមព្រៀងខ្ចីជើងខ្សែការពារ Ozan Kabak ពីក្លិប Schalke 04 រហូតដល់បញ្ចប់រដូវកាលនេះ ដើម្បីមកបំពេញតំបន់ការពារដែលកំពុងមានវិបត្តិដោយសាររបួស។
កិច្ចព្រមព្រៀងដ៏ធំដែលកើតឡើងក្នុងទីផ្សារដោះដូរខែមករានេះគឺ Manchester United បានសម្រេចការផ្ទេរខ្សែបម្រើស្លាប Amad Diallo ពីក្លិប Atalanta ក្នុងតម្លៃ១៩លានផោននិងការបន្ថែមបង្គ្រប់ ១៨,២លានផោនពេលក្រោយជាមួយកុងត្រារយៈពេល៥ឆ្នាំ។ ស្របពេល West Ham សម្រេចការចុះហត្ថលេខាក្នុងតម្លៃ២០លានផោនលើខ្សែបម្រើប្រយុទ្ធ Saïd Benrahma ពីក្លិប Brentford ។ បញ្ជាក់ថាកិច្ចព្រមព្រៀងទាំង២នេះ គឺកើតឡើងតាំងរដូវកាលមុនមកម្ល៉េះ ប៉ុន្តែសម្រេចជាផ្លូវការក្នុងខែមករា។
ដោយឡែកការចុះហត្ថលេខាលើខ្សែបម្រើ Morgan Sanson របស់ Aston Villa ពីក្លិប Marseille ក្នុងតម្លៃខ្លួន១៤លានផោនគឺជាកិច្ចព្រមព្រៀងដ៏លេចធ្លោតែមួយគត់ដែលកើតឡើងក្នុងខែមករានេះតែម្តង។
ខាងក្រោមនេះជាការដោះដូរកីឡាករ ដែលកើតឡើងនៅថ្ងៃចុងក្រោយ៖
• Southampton ខ្ចីជើងខ្សែបម្រើប្រយុទ្ធ Takumi Minamino ពីក្លិប Liverpool
• Everton ខ្ចីជើងខ្សែប្រយុទ្ធ Josh King ពីក្លិប Bournemouth
• West Brom ខ្ចីជើងខ្សែបម្រើការពារ Ainsley-Maitland Niles ពីក្លិប Arsenal និងខ្សែបម្រើ Okay Yokuslu ពីក្លិប Celta Vigo
• Newcastle ខ្ចីជើងខ្សែបម្រើ Joe Willock ពីក្លិប Arsenal
• Fulham ខ្ចីជើងខ្សែប្រយុទ្ធ Josh Maja ពីក្លិប Bordeaux
• Brighton សម្រេចការផ្ទេរខ្សែបម្រើ Moises Caicedo ពីក្លិប Independiente del Valle ៕ (ដកស្រង់ចេញពី Premier League និង BBC)
ចែករំលែកព័តមាននេះ