ខេត្តសៀមរាប ៖ ព័ត៌មានចុងក្រោយលើករណីរឿងក្តី «ផិតក្បត់» របស់លោកអភិបាលរងខណ្ឌ៧មករានេះ បានត្រូវសាលាដំបូងខេត្តបើកសវនាការភ្លាមៗ តែម្តង ដោយមានលោកឆៃ វីរៈ ជាចៅក្រមជំនុំជម្រះព្រះរាជអាជ្ញារង…
ខេត្តសៀមរាប ៖ ព័ត៌មានចុងក្រោយលើករណីរឿងក្តី «ផិតក្បត់» របស់លោកអភិបាលរងខណ្ឌ៧មករានេះ បានត្រូវសាលាដំបូងខេត្តបើកសវនាការភ្លាមៗ តែម្តង ដោយមានលោកឆៃ វីរៈ ជាចៅក្រមជំនុំជម្រះព្រះរាជអាជ្ញារង ជួន សុបញ្ញា និងមេធាវីជនជាប់ចោទលោកសួង សុភា ជាអភិបាលរងខណ្ឌ៧មករា រាជធានីភ្នំពេញ ។
ចៅក្រមជំនុំជម្រះបានប្រកាសសាលក្រមព្យួរទោស៦ខែ ក្នុងបទចោទអំពើផិតក្បត់ ។ ក្រោយការប្រកាសសាលាក្រម លោកហៀក ចាន់លាង ត្រូវបានគេនាំខ្លួនតាមរថយន្តឆ្ពោះទៅបញ្ជាកាដ្ឋានកងរាជអាវុធហត្ថខេត្ត ដើម្បីប្រគល់ដល់ក្រុមគ្រួសារ ។
សូមបញ្ជាក់ថា លោក ហៀក ចាន់លាង អភិបាលរងខណ្ឌ៧មករា រាជធានីភ្នំពេញ បានត្រូវកម្លាំងកងរាជអាវុធហត្ថខេត្ត ឃាត់ខ្លួនទៅតាមបណ្តឹងរបស់ភរិយា ពាក់ព័ន្ធនឹងបទ
ល្មើស«ផិតក្បត់» ។ យោងតាមប្រភពព័ត៌មានបានឱ្យដឹងថា ដោយមានការអនុញ្ញាត ពីឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្ត នាវេលាម៉ោងប្រមាណ១១និង៣០នាទីយប់ថ្ងៃទី៣០ ខែមករា ឆ្នាំ២០២១ កម្លាំងការិយាល័យប្រឆាំងការជួញដូរមនុស្សនិងការពារអនីតិជនខេត្ត បានទៅដល់បន្ទប់ខុនដូមួយកន្លែង ស្ថិតក្នុងភូមិក្រួស សង្កាត់ស្វាយដង្គំ ក្រុងសៀមរាប ។
នៅពេលទៅដល់ កម្លាំងសមត្ថកិច្ចបានឃើញនារីរូបស្រស់ឈ្មោះ ហេង បូឡែន អាយុ
២៥ឆ្នាំ រស់នៅក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ និងលោក ហៀក ចាន់លាង អាយុ៤២ឆ្នាំ ជាអភិបាលរងខណ្ឌ៧មករា កំពុងនៅក្នុងបន្ទប់ជាមួយគ្នា ក្នុងនាមជាគូស្នេហ៍លួចលាក់ ។ ដោយមានការសម្របសម្រួលនីតិវិធីពីឯកឧត្តមព្រះរាជអាជ្ញាអមសាលាដំបូងខេត្ត កម្លាំងកងរាជអាវុធហត្ថខេត្ត បាននាំខ្លួនអ្នកទាំង២នាក់ មកការិយាល័យជំនាញ ដើម្បីសាកសួរពាក់ព័ន្ធនឹងអំពើផិតក្បត់ ។
ក្រោយមក ដោយមានការឯកភាពពីសំណាក់ឯកឧត្តមព្រះរាជអាជ្ញាអមសាលាដំបូងខេត្ត សមត្ថកិច្ចក៏សម្រេចឃាត់ខ្លួន លោក ហៀក ចាន់លាង កសាងសំណុំរឿងបញ្ជូនទៅអយ្យការអមសាលាដំបូងខេត្ត ចំណែកនារីជាគូស្នេហ៍ត្រូវបានអនុញ្ញាតឱ្យមកត្រឡប់ទៅផ្ទះវិញ ។
សមត្ថកិច្ចអះអាងថា ការឈានដល់ការឃាត់ខ្លួននេះ គឺដោយសារតែមានពាក្យបណ្តឹងរបស់ភរិយាស្របច្បាប់របស់លោក ហៀក ចាន់លាង ជាមន្ត្រីរាជការ ដែលមានទីលំនៅក្នុងភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ ។
ពិតជាគួរឱ្យសោកស្តាយណាស់ ដែលដោយសារសម្រស់ស្រីស្អាតធ្វើឱ្យលោកអភិបាលរងខណ្ឌលង់នឹងរឿងស្នេហាភ្លេចប្រពន្ធកូន ហើយត្រូវប្រឈមនឹងច្បាប់ឯកពន្ធភាព ដោយសារតែការផិតក្បត់ ៕
ចែករំលែកព័តមាននេះ