បន្ទប់ទឹកតាមបណ្តោយឆ្នេរសម្រេចបានប្រមាណជាង៣៥%ហើយ
- ព្រះសីហនុ
ខេត្តព្រះសីហនុ ៖ កាលពីរសៀលថ្ងៃទី៣១ ខែមករា ឆ្នាំ២០២១ លោក គួច ចំរើន អភិបាល នៃគណៈអភិបាលខេត្តព្រះសីហនុ…
ខេត្តព្រះសីហនុ ៖ កាលពីរសៀលថ្ងៃទី៣១ ខែមករា ឆ្នាំ២០២១ លោក គួច ចំរើន អភិបាល នៃគណៈអភិបាលខេត្តព្រះសីហនុ…
ខេត្តព្រះសីហនុ ៖ កាលពីរសៀលថ្ងៃទី៣១ ខែមករា ឆ្នាំ២០២១ លោក គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំមន្ត្រីជំនាញចុះត្រួតពិនិត្យការសាងសង់បន្ទប់ទឹកសាធារណៈ ស្ថិតតាមបណ្តោយឆ្នេរសមុទ្រអូរឈើទាល២ អូរត្រេះ១ អូរត្រេះ២ និងឆ្នេរពយជំទាវម៉ៅ។
ក្នុងការចុះពិនិត្យនោះដែរ លោក គួច ចំរើន អភិបាលខេត្ត ក៏បានជំរុញក្រុមការងារជំនាញនីមួយៗ ត្រូវបង្កើនការសាងសង់ និងធ្វើតាមលក្ខណៈបច្ចេកទេស សម្រេចឲ្យបានតាមផែនការដែលបានគ្រោងទុក ។
លោកអភិបាលខេត្តបានបញ្ជាក់ថា បន្ទប់ទឹកសាធារណ:ទាំង៩ នៅតាមបណ្ដោយឆ្នេរ ក្នុងក្រុងព្រះសីហនុ ដែលកំពុងសាងសង់នាពេលនេះ ស្របតាមគោលនយោបាយសម្ដេចអគ្គមហាសេនាបតីតេជោ ហ៊ុន សែន ហើយនាឱកាសបុណ្យចូលឆ្នាំខ្មែរខាងមុខនេះ នឹងបានដាក់ជូនសាធាណជនប្រើប្រាស់ហើយ ។
នាឱកាសនោះដែរ លោកអភិបាលខេត្ត ក៏បានបន្តចុះទៅមើលក្រុមជាង ដែលកំពុងដំឡើងភ្លើងបំភ្លឺនៅជុំវិញគល់ដើមឈើចាំស្នេហ៍ ដើម្បីឲ្យមានសោភណ្ឌ័ភាពកាន់តែស្រស់សម្អាតជូនបងប្អូនប្រជាពលរដ្ឋ ដែលចូលចិត្តមកលេងកំសាន្ត និងថតរូបទុកជាអនុស្សវរីយ៍ផងដែរ ។
សូមជម្រាបជូនថា គិតត្រឹមថ្ងៃទី២២ ខែមករា ឆ្នាំ ២០២១ ការងារសាងសង់បន្ទប់ទឹកសាធារណៈទាំង ៩ទីតាំង នៅតាមបណ្តោយ ឆ្នេរអូរឈើទាល ឆ្នេរអូរត្រេះ និងឆ្នេរពយជំទាវម៉ៅ សរុបការវាយតម្លៃជារួម គឺសម្រេចបានប្រមាណ៣៥.១% នៃការងារទាំងអស់ ៕
ចែករំលែកព័តមាននេះ