ជំនួប១នៅ Ligue 1 ត្រូវលើកពេលក្រោយមានការវាយប្រហារពីអ្នកគាំទ្រ
បារាំង ៖ ការប្រកួតក្របខណ្ឌ Ligue 1 របស់ម្ចាស់ផ្ទះ Marseille ទល់នឹងក្រុម Rennes ត្រូវបានលើកពេល…
បារាំង ៖ ការប្រកួតក្របខណ្ឌ Ligue 1 របស់ម្ចាស់ផ្ទះ Marseille ទល់នឹងក្រុម Rennes ត្រូវបានលើកពេល បន្ទាប់ពីផ្ទុះមានការបាតុកម្មយ៉ាងខ្លាំងនៅឯកន្លែងហ្វឹកហាត់របស់Marseille កាលពីថ្ងៃសៅរ៍ម្សិលមិញនេះ។
អ្នកគាំទ្រ Marseille រាប់រយនាក់ដែលមានការខឹងសម្បារចំពោះការដឹកនាំរបស់គ្រូបង្វឹកគឺលោក Andre Villas-Boas រួមនឹងលទ្ធផលចាញ់៤ប្រកួតជាប់គ្នា ហើយបច្ចុប្បន្នក្រុមបានធ្លាក់ដល់លេខ៧ក្នុងតារាង Ligue 1 បានផ្ទុះការធ្វើបាតុកម្មតវ៉ាយ៉ាងខ្លាំង ដោយចូលទៅអុកឡុកក្នុងកន្លែងហ្វឹកហាត់ ដោយមានទាំងការបោះគ្រាប់បែកផ្សែង និងកាំជ្រួចចូលក្នុងអាគារថែមទៀតផង។
ប៉ូលីសប្រចាំតំបន់បានបញ្ជាក់លើថា «អ្នកគាំទ្រប្រមាណជាង៣០០នាក់ បានវាយប្រហារលើមន្ត្រីប៉ូលិសដែលមានវត្តមានការពារនៅកន្លែងនោះ។ ហើយជាលទ្ធផលមានការចាប់ខ្លួនមនុស្សសរុបចំនួន២៥នាក់»។
បច្ចុប្បន្នអ្នកគាំទ្រកំពុងទាមទារឱ្យមានការបណ្តេញលោក Andre Villas-Boas ខណៈដែលគ្រូបង្វឹកសញ្ជាតិព័រទុយហ្គាល់រូបនេះ បាននិយាយកាលពីថ្ងៃសុក្រថា គាត់រំពឹងថានឹងចាកចេញនៅបញ្ចប់រដូវកាលនេះ៕ (ដកស្រង់ចេញពី AFP)
ចែករំលែកព័តមាននេះ