Mourinho ប្រាប់កត្តាដ៏ធំនាំឱ្យក្រុមលោកចាញ់ Liverpool ធ្ងន់ក
អង់គ្លេស ៖ Tottenham Hotspur រងអាម៉ាស់ក្នុងផ្ទះខ្លួនឯងកាលពីយប់ម្សិលមិញ បន្ទាប់ពីត្រូវក្រុមភ្ញៀវ Liverpool យកឈ្នះដោយលទ្ធផល ៣-១ ខណៈបរាជ័យនេះ…
អង់គ្លេស ៖ Tottenham Hotspur រងអាម៉ាស់ក្នុងផ្ទះខ្លួនឯងកាលពីយប់ម្សិលមិញ បន្ទាប់ពីត្រូវក្រុមភ្ញៀវ Liverpool យកឈ្នះដោយលទ្ធផល ៣-១ ខណៈបរាជ័យនេះ ធ្វើឱ្យប្រព័ន្ធចតឡានក្រុងរបស់លោក Jose Mourinho ទទួលបានការរិះគន់យ៉ាងខ្លាំង។
បន្ទាប់ពីចប់ការប្រកួតនេះ លោក Jose Mourinho អ្នកចាត់ការក្រុម Spurs បានបង្ហាញការសោកស្តាយចំពោះទម្រង់លេងក្រុមរបស់ខ្លួនប្រឆាំងនឹង Liverpool ដោយបានលើកឡើងពីកត្តាធំនាំឱ្យបរាជ័យធ្ងន់កក្នុងជំនួបនេះ។
អ្នកចាត់ការសញ្ជាតិព័រទុយហ្គាល់វ័យ៥៨ឆ្នាំរូបនេះបានឱ្យដឹងថា «វាពិតជាលំបាកណាស់ក្នុងការលេងការពារជាមួយកំហុសដែលកីឡាករលេងជាបុគ្គល មិនមែនជាក្រុម។ យើងខកចិត្តយ៉ាងខ្លាំង ព្រោះកីឡាករខ្លះបានបង្ហាញទម្រង់លេងយ៉ាងល្អ ប៉ុន្តែបែរជាត្រូវបរាជ័យដោយសារកំហុសបុគ្គលទៅវិញ»។
បច្ចុប្បន្ន Liverpool កំពុងឈរនៅលេខ៤ក្នុងតារាងគិតត្រឹមសប្តាហ៍ទី២០ ដោយមាន ៣៧ពិន្ទុតាមពីក្រោយក្រុមកំពូលតារាង Man City ចំនួន ៤ពិន្ទុ។ ដោយឡែក Spurs កំពុងឈរនៅលេខ៦មាន ៣៣ពិន្ទុតែនៅសល់១ប្រកួតក្នុងដៃមិនទាន់លេង៕ (ដកស្រង់ចេញពី Dailymail)
ចែករំលែកព័តមាននេះ