ខេត្តក្រចេះ ៖ ម៉ូតូស៊េរីទំនើបគ្មានពន្ឋនាំចូលត្រឹមត្រូវយ៉ាងហោចចំនួន១៧គ្រឿងក្នុងចំណោមម៉ូតូចំនួនរាប់សិបគ្រឿងផ្សេងទៀត ដែលត្រូវរឹបអូសក្នុងហាងលក់ម៉ូតូជាង១០កន្លែងក្នុងខេត្តក្រចេះ
ខេត្តក្រចេះ ៖ ម៉ូតូស៊េរីទំនើបគ្មានពន្ឋនាំចូលត្រឹមត្រូវយ៉ាងហោចចំនួន១៧គ្រឿងក្នុងចំណោមម៉ូតូចំនួនរាប់សិបគ្រឿងផ្សេងទៀត ដែលត្រូវរឹបអូសក្នុងហាងលក់ម៉ូតូជាង១០កន្លែងក្នុងខេត្តក្រចេះ ត្រូវបានក្រុមសមត្ថកិច្ចប្រគល់ទៅឲ្យស្ថាប័នសាខាគយខេត្តដើម្បីមានចំណាត់ការ។
ប្រតិបត្តិការរបស់សមត្ថកិច្ចក្រោមការដឹកនាំពីសំណាក់ស្ថាប័នអយ្យការកាលពីថ្ងៃ១ សីហា បានចុះត្រួតពិនិត្យឆែកឆេរទប់ស្កាត់ការទិញលក់ម៉ូតូគ្មានពន្ឋតាមហាងលក់ម៉ូតូធំៗចំនួន១២ហាងនៅក្នុងខេត្តក្រចេះ ក្នុងនោះក៏បានរឹបអូសបាននូវម៉ូតូស៊េរីទំនើបចំនួន១៧គ្រឿង ដែលសុទ្ឋសឹងជាម៉ូតូគ្មានពន្ឋនាំចូលត្រឹមត្រូវ។
សកម្មភាពនេះត្រូវបានគេមើលឃើញថា បានធ្វើឡើងជាលើកទី២របស់ក្រុមសមត្ថកិច្ចខេត្តក្រចេះទៅលើទីតាំងទិញ-លក់ម៉ូតូអត់ពន្ឋជាច្រើនកន្លែងនៅក្នុងខេត្ត។ តែយ៉ាងណាសកម្មភាពនេះ គឺគេមើលឃើញថា ធ្វើឡើងតែមួយប្រាវក៏ស្ងប់ទៅវិញ ចំណែកឯការទិញលក់ម៉ូតូរបស់ម្ចាស់ហាងនៅតែកើតមានដដែល។
សេចក្តីរាយការណ៏បានឲ្យដឹងថា មានម៉ូតូស៊េរីទំនើបគ្មានពន្ឋនាំចូលជាច្រើនគ្រឿង គឺនៅបន្តការដាក់លក់យ៉ាងចំហនៅតាមហាងធំៗក្នុងខេត្ត។ ម៉ូតូគ្មានពន្ឋទាំងនេះភាគច្រើនជាប្រភេទម៉ូតូវេវអាល់ហ្វា យកចេញពីប្រទេសវៀតណាមមកដាក់តំរៀបតាំងលក់នៅក្នុងហាងជាច្រើនកន្លែងខេត្តក្រចេះ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ