ផ្ទុះការឆ្លងកូវីដ-១៩ ខ្ពស់បំផុតនៅថៃ ១ថ្ងៃ ជិត ១ពាន់នាក់
បាងកក ៖ ប្រទេសថៃ បានរាយការណ៍ករណីមានអ្នកឆ្លងវីរុសកូវីដ-១៩ថ្មី ចំនួន ៩៥៩ករណី កាលពីថ្ងៃអង្គារទី២៦ ខែមករា ឆ្នាំ២០២១នេះ ដែលចំនួននេះ…
បាងកក ៖ ប្រទេសថៃ បានរាយការណ៍ករណីមានអ្នកឆ្លងវីរុសកូវីដ-១៩ថ្មី ចំនួន ៩៥៩ករណី កាលពីថ្ងៃអង្គារទី២៦ ខែមករា ឆ្នាំ២០២១នេះ ដែលចំនួននេះ…
បាងកក ៖ ប្រទេសថៃ បានរាយការណ៍ករណីមានអ្នកឆ្លងវីរុសកូវីដ-១៩ថ្មី ចំនួន ៩៥៩ករណី កាលពីថ្ងៃអង្គារទី២៦ ខែមករា ឆ្នាំ២០២១នេះ ដែលចំនួននេះ មិនធ្លាប់មានទេ ចាប់តាំងពីការរាតត្បាតរលកទី២ កាលពីថ្ងៃទី១៥ ខែធ្នូ ឆ្នាំមុនមក ។
លោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាព Covid-19 បាននិយាយនៅឯសន្និសីទមួយ អោយដឹងយ៉ាងខ្លីថា ការឆ្លងថ្មីនេះ ជាការកើនឡើងប្រចាំថ្ងៃខ្ពស់បំផុត មិនធ្លាប់មាន (កាលពីថ្ងៃទី៧ ខែមករា ឆ្លងខ្ពស់ត្រឹម ៧៤៥ករណីប៉ុណ្ណោះ) ។ នាំឲ្យចំនួនអ្នកឆ្លងសរុបកើនដល់ ១៤.៦៤៦ករណី និងមានអ្នកស្លាប់សរុបចំនួន ៧៥នាក់ ។
តួលេខឆ្លងសរុប ៩៥៩នាក់ នៅថ្ងៃនេះ មានករណីនាំចូលចំនួន ២២នាក់ ត្រូវបានដាក់ដាច់ដោយឡែក គឺមកពីប្រទេសឥណ្ឌូនេស៊ី (១នាក់) ឥណ្ឌា (២នាក់) មីយ៉ាន់ម៉ា (៣នាក់) ស៊ូដង់ (២នាក់) ប៉ាគីស្ថាន (១នាក់) ចក្រភពអង់គ្លេស (៦នាក់) នេប៉ាល់ (១នាក់) ចិន (១នាក់) សហរដ្ឋអាមេរិក (៣នាក់) ដាណឺម៉ាក (១នាក់) និងរុស្ស៊ី (១នាក់) ។
ករណីឆ្លងថ្មីក្នុងថ្ងៃនេះ គឺជាការចម្លងក្នុងសហគមន៍ ត្រូវបានគេរកឃើញនៅក្នុងខេត្តសាមុតសាខន ដែលភាគច្រើនស្ថិតក្នុងចំណោមកម្មករចំណាកស្រុករហូតដល់ ៧៦០នាក់ ៕
ចែករំលែកព័តមាននេះ