ស្វែងយល់! អ្វីទៅជាការដាក់រ៉ឺស័របើកបំពង់អាហារ?
- ភ្នំពេញ
រាជធានីភ្នំពេញ ៖ លោកវេជ្ជបណ្ឌិត លាន សុភក្តិ ឯកទេស ថ្លើម ក្រពះ ពោះវៀននៃមន្ទីរពេទ្យកាល់ម៉ែតបានឲ្យដឹងថា៖ បំពង់អាហារគឺជាសរីរៈមួយ…
រាជធានីភ្នំពេញ ៖ លោកវេជ្ជបណ្ឌិត លាន សុភក្តិ ឯកទេស ថ្លើម ក្រពះ ពោះវៀននៃមន្ទីរពេទ្យកាល់ម៉ែតបានឲ្យដឹងថា៖ បំពង់អាហារគឺជាសរីរៈមួយ…
រាជធានីភ្នំពេញ ៖ លោកវេជ្ជបណ្ឌិត លាន សុភក្តិ ឯកទេស ថ្លើម ក្រពះ ពោះវៀននៃមន្ទីរពេទ្យកាល់ម៉ែតបានឲ្យដឹងថា៖ បំពង់អាហារគឺជាសរីរៈមួយ ដែលតភ្ជាប់ពីមាត់ទៅក្រពះ ហើយមានតួនាទីជាផ្លូវឱ្យចំណីអាហារចូលទៅក្នុងក្រពះ ។ នៅក្នុងករណីជំងឺមួយចំនួនដូចជាមហារីកបំពង់អាហារ ដុំសាច់កៀបសង្កត់ទៅលើបំពង់អាហារ ឬក៏ដុំសាច់ស៊ីធ្លុះបំពង់អាហារ ធ្វើឱ្យអ្នកជំងឺមានវិបត្តិក្នុងការលេបចំណីអាហារ ស្ថិតក្នុងស្ថានភាពបែបនេះ ការព្យាបាលដោយដាក់រឺស័រក្នុងបំពង់អាហារ គឺជាវិធីសាស្ត្រដ៏មានប្រសិទ្ធភាពមួយដែលអនុញ្ញត្តិឱ្យអ្នកជំងឺអាចទទួលទានអាហារឡើងវិញ ក្នុងន័យរក្សារបាននូវស្ថានភាពអាហារូបត្ថម្ភ ក៏ដូចជាលើកស្ទួយសភាពទូរទៅរបស់គាត់ ដើម្បីរង់ចាំការព្យាបាលបន្តបន្ទាប់ ។
លោកបញ្ចាក់ថា រ៉ុសរបើកបំពង់អាហារ គឺជាបំពង់សំណាញ់ដែកមួយ ដែលមានភាពទន់អាចបត់បែនទៅតាមទំរង់របស់បំពង់អាហារ។ នាពេលដំបូងបន្ទាប់ពីបានដាក់ វាអាចបន្តរធ្វើការបើកដោយខ្នួនឯងបន្តិចម្តងៗ (self-expandable) រហូតបានទំហំសមស្របទៅតាមខ្នាតរបស់រឺស័រ ដើម្បីសម្រួលផ្លូវចូលរបស់ចំណីអាហារទៅក្នុងក្រពះ ។
លោកវេជ្ជបណ្ឌិត លាន សុភក្តិ បានឲ្យដឹងទៀតថា៖ គុណប្រយោជន៍៖ វិធីសាស្ត្រនេះ ជាអន្តរគមន៍បែបវេជ្ចសាស្ត្រមួយ ដែលផ្តល់ជូនអ្នកជំងឺ ខណៈពេលដែលការវះកាត់មិនអាចប្រព្រិត្តទៅបាន ឬមានការប៉ះពាល់ខ្លាំងដល់អ្នកជំងឺ។ ការដាក់រ៉ុសរបើកបំពង់អាហារនេះ ធ្វើឡើងតាមរយះឧបករណ៍ឆ្លុះក្រពះ (Endoscopic procedure) និងត្រូវការសំរាកពេទ្យរយះពេលខ្លី ។
លោកវេជ្ជបន្ឌិតថ្លែងថា បច្ចេកវិធីវេជ្ចសាស្ត្រមួយនេះមានប្រសិទ្ធិភាពខ្ពស់ និងមានផល់ប៉ះពាល់តិចតួចបំផុត ។ ដូច្នេះរាល់ករណីសង្ស័យ ឬក៏មានដុំសាច់នៅក្នុងបំពង់អាហារ សូមលោក-លោកស្រីអញ្ជើញមកពិគ្រោះជាមួយវេជ្ជបណ្ឌិតជំនាញនៅមន្ទីរពេទ្យកាល់ម៉ែត ដើម្បីធ្វើរោគវិនិច្ឆ័យឱ្យបានត្រឹមត្រូវ និងកំណត់ដំណាក់កាលនៃដុំសាច់ មុននិងឈានទៅដល់ការកំណត់វិធីសាស្ត្រព្យាបាលដែលសមស្រប និងមានប្រសិទ្ធិភាពខ្ពស់បំផុត ៕
ចែករំលែកព័តមាននេះ