ពង្រឹងការត្រួតពិនិត្យមណ្ឌលចត្តាឡីស័ក នៅតាមព្រំដែនថៃ
- បាត់ដំបង
ខេត្តបាត់ដំបង៖ ថ្ងៃទី២០ ខែមករា ឆ្នាំ២០២១ លោកសាស្ត្រាចារ្យ កើត មៀច រដ្ឋលេខាធិការ និងជាតំណាងដ៏ខ្ពង់ខ្ពស់លោកសាស្ត្រាចារ្យ ម៉ម…
ខេត្តបាត់ដំបង៖ ថ្ងៃទី២០ ខែមករា ឆ្នាំ២០២១ លោកសាស្ត្រាចារ្យ កើត មៀច រដ្ឋលេខាធិការ និងជាតំណាងដ៏ខ្ពង់ខ្ពស់លោកសាស្ត្រាចារ្យ ម៉ម…
ខេត្តបាត់ដំបង៖ ថ្ងៃទី២០ ខែមករា ឆ្នាំ២០២១ លោកសាស្ត្រាចារ្យ កើត មៀច រដ្ឋលេខាធិការ និងជាតំណាងដ៏ខ្ពង់ខ្ពស់លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល អមដំណើរដោយថ្នាក់ដឹកនាំមន្ទីរសុខាភិបាលខេត្តបាត់ដំបង បានចុះត្រួតពិនិត្យមណ្ឌលចត្តាឡីស័កកម្រិត ២ មណ្ឌលព្យាបាល មន្ទីរពេទ្យបង្អែកខេត្តបាត់ដំបង និងតាមមណ្ឌលចត្តាឡីស័កទាំងអស់ នៅតាមបណ្តោយព្រំដែនកម្ពុជា-ថៃ ក្នុងខេត្តបាត់ដំបង។
លោករដ្ឋលេខាធិការ បានសម្តែងការសរសើរ ចំពោះការខិតខំប្រឹងប្រែង និងសាមគ្គីភាពដ៏ល្អ រវាងថ្នាក់ដឹកនាំខេត្ត មន្ទីរសុខាភិបាល ក្រុមគ្រូពេទ្យ កម្លាំងប្រដាប់អាវុធគ្រប់ប្រភេទ ព្រមទាំងផ្នែកពាក់ព័ន្ធដទៃទៀត ក្នុងការអនុវត្តបទបញ្ជាដ៏ខ្ពង់ខ្ពស់របស់សម្តេចតេជោ នាយករដ្ឋមន្រ្តីកម្ពុជាបានយ៉ាងល្អហ្មត់ចត់ ហើយក៏សូមខិតខំព្យាយាមអនុវត្តន៍ឲ្យបានល្អបន្ថែមទៀត ដើម្បីរក្សាការពារទប់ស្កាត់ឲ្យបាន មិនឲ្យមានការរីករាលកើនឡើង គឺមានតែការថយចុះឲ្យបានគ្រប់ទីកន្លែង។
លោករដ្ឋលេខាធិការ កើត មៀច បានផ្តាំផ្ញើបន្ថែម អោយបងប្អូនប្រជាពលរដ្ឋ និងជាពិសេសបុគ្គលិក មន្រ្តីសុខាភិបាល និងមន្រ្តីពាក់ពន្ធ័ទាំងអស់ មេត្តាបន្តសហការគ្នាល្អ យកចិត្តទុកដាក់កំរិតខ្ពស់ ក្នុងការបង្ការការចំលងមេរោគកូវីដ១៩ តាមអនុសាសន៍ណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងការណែនាំរបស់ក្រសួងសុខាភិបាល និងមានការណែនាំដ៏មានសារៈសំខាន់របស់លោកសាស្ត្រាចារ្យ ម៉ម ប៊ុនហេង ដើម្បីបន្តគ្រប់គ្រងការងារប្រយុទ្ធប្រឆាំងកូវីដ-១៩ ឱ្យមានប្រសិទ្ធភាព និងជោគជ័យ។
វិធានការរបស់ថ្នាក់ដឹកនាំក្រសួងសុខាភិបាល ដើម្បីពង្រឹងការត្រួតពិនិត្យ នៅមណ្ឌលចត្តាឡីស័ក នៅតាមព្រំដែនថៃនេះ បានធ្វើឡើងខណៈដែលពលករខ្មែរកាន់តែច្រើនឡើងៗ ដែលបានធ្វើដំណើរមកពីប្រទេសថៃ។ គិតមកដល់ព្រឹកថ្ងៃទី២១ ខែមករា ឆ្នាំ២០២១ មានពលករខ្មែរ ធ្វើដំណើរមកពីប្រទេសថៃ ត្រូវបានរកឃើញឆ្លងកូវីដ១៩ សរុបចំនួន ៨១នាក់។ ក្នុងនោះ អ្នករកឃើញឆ្លងកូវីដ១៩ថ្មីៗនេះ ភាគច្រើន ធ្វើតេស្តលើកទី២ ទើបរកឃើញ ពោលគឺនៅចុងបញ្ចប់នៃការធ្វើចត្តាឡីស័ក រយៈពេល ១៤ថ្ងៃ នៅតាមមណ្ឌលចត្តាឡីស័ក ដែលត្រូវបានរៀបចំនៅតាមខេត្តជាប់ព្រំដែនថៃតែម្តង៕ ដោយ៖ ហួត សុងហាក់
ចែករំលែកព័តមាននេះ