ប្រទេសលីប៊ី ៖ យោងតាមតុល្យការប្រកាសកាលពីថ្ងៃទី២០ មករា ដោយ អ.ស.ប ថា ការលិចនាវាមួយគ្រឿងរបស់ពួកអន្តោប្រវេសន៍ក្នុងដែនទឹកនៃឆ្នេរសមុទ្រលីប៊ី បណ្ដាលឲ្យមនុស្សបាត់បង់ជីវិតយ៉ាងតិច៤៣នាក់ ចំណែកមនុស្ស១០នាក់ទៀតបានត្រូវជួយសង្គ្រោះ…
ប្រទេសលីប៊ី ៖ យោងតាមតុល្យការប្រកាសកាលពីថ្ងៃទី២០ មករា ដោយ អ.ស.ប ថា ការលិច
នាវាមួយគ្រឿងរបស់ពួកអន្តោប្រវេសន៍ក្នុងដែនទឹកនៃឆ្នេរសមុទ្រលីប៊ី បណ្ដាលឲ្យមនុស្សបាត់បង់ជីវិតយ៉ាងតិច៤៣នាក់ ចំណែកមនុស្ស១០នាក់ទៀតបានត្រូវជួយសង្គ្រោះ ។
ក្នុងសេចក្ដីប្រកាសរួមមួយអង្គការអន្តោប្រវេសន៍អន្តរជាតិ OIM និងស្នងការជាន់ខ្ពស់
អ.ស.ប ខាងជនភៀសខ្លួន HCR និយាយថា គេមានការក្ដុកក្ដួលយ៉ាងខ្លាំងចំពោះការលិចនាវានោះ កាលពីថ្ងៃទី១៩ មករា ដែលជាលើកដំបូងក្នុងឆ្នាំ២០២១ ក្នុងសមុទ្រមេឌីទែរ៉ាណេ បណ្ដាលឲ្យបាត់បង់ជីវិតមនុស្សយ៉ាងតិច៤៣នាក់ ។ មនុស្ស១០នាក់ត្រូវបានជួយសង្គ្រោះ និងនាំមកកាន់ដែនដីដោយកងឆ្មាំឆ្នេរសមុទ្រនៅ ZWARA ប្រទេសលីប៊ី ។
នាវានោះក្នុងបណ្ដាម៉ោងដំបូងនៃថ្ងៃទី១៩មករា បានចាកចេញពីទីក្រុង ZAOUIA ស្ថិតនៅ
ប្រមាណជា៥០គីឡូម៉ែត្រខាងលិចក្រុងទ្រីប៉ូលី ។
តាម អ.ស.ប ថា ម៉ាស៊ីនរបស់នាវានោះបានរលត់ប៉ុន្មានម៉ោងក្រោយការចេញដំណើរ ហើយលិច ដោយសារស្ថានភាពទឹកសមុទ្រមានរលកធំៗ ។ ពួកអ្នកនៅរស់រានមានជីវិតមានប្រភពពីកូដឌីវ័រ នីហ្សេរីយ៉ា ហ្គាណានិងហ្គំប៊ី ។
សរុបពួកអន្តោប្រវេសន៍ជាង១២.០០០នាក់ បានបាត់បង់ជីវិតក្នុងឆ្នាំ២០២០ ក្នុងសមុទ្រមេឌីទែរ៉ាណេ ក្នុងការធ្វើដំណើរផ្សងព្រេងតាមនាវាកាត់សមុទ្រមកកាន់អឹរ៉ុប ៕ ដកស្រង់ចេញពីវេបសាយ ៖ yahoo
