លោកយាយវ័យ៧៤ឆ្នាំម្នាក់នៅស្រុកកំពង់រោទ៍ អំពាវនាវរកសប្បុរសជនផ្តល់ក្តីមេត្តា
- ស្វាយរៀង
ខេត្តស្វាយរៀង ៖ នៅរសៀលថ្ងៃទី១៩ ខែមករា ឆ្នាំ២០២១នេះ លោកយាយ ឡឹក សាវិន អាយុ៧៤ឆ្នាំ ដែលជាស្ត្រីមេម៉ាយទុរគត…
ខេត្តស្វាយរៀង ៖ នៅរសៀលថ្ងៃទី១៩ ខែមករា ឆ្នាំ២០២១នេះ លោកយាយ ឡឹក សាវិន អាយុ៧៤ឆ្នាំ ដែលជាស្ត្រីមេម៉ាយទុរគត…
ខេត្តស្វាយរៀង ៖ នៅរសៀលថ្ងៃទី១៩ ខែមករា ឆ្នាំ២០២១នេះ លោកយាយ ឡឹក សាវិន អាយុ៧៤ឆ្នាំ ដែលជាស្ត្រីមេម៉ាយទុរគត រស់នៅភូមិសេកជ្រំ ឃុំស្វាយតាយាន ស្រុកកំពង់រោទ៍ បានលើកដៃសំពះដល់សប្បុរសជនផ្តល់ក្តីមេត្តាជួយឧបត្ថម្ភអង្ករ ម្ហូប គ្រឿងបរិភោគឲ្យបានឆ្ងាញ់ម្តង និងចង់បានសំពត់អាវរងារ និងផួយក្រាស់ សម្រាប់ដណ្តប់ ដោយប៉ុន្មានខែនេះរងាខ្លាំងណាស់ និងចង់បានថវិកាសង់បង្គន់តូចមួយសម្រាប់បន្ទោបង់។
លោកយាយ ឡឹក សាវិន បានរៀបរាប់ទាំងក្តុកក្តួលថា លោកយាយមានប្តីឈ្មោះ ឈួប រៀបការនៅក្នុងរបរ លន់ នល់ គ្មានកូនទេ ហើយមកដល់របបប្រល័យពូជសាសន៍ប៉ុលពត បានចោទថា ប្តីគាត់ជាទាហានសក្តិភូមិ ពួកកងឈ្លប បានចាប់ប្តីរបស់គាត់យកទៅសម្លាប់យ៉ាងឃោរឃៅ ធ្វើឲ្យរូបគាត់ឈឺចាប់អាណិតប្តីខ្លោចចិត្តលួចដេកយំម្នាក់ឯង អាណិតប្តីដែលឃើញគេចងប្តីបណ្តើរយកទៅសម្លាប់ដោយគ្មានកំហុសអ្វីសោះ ប្តីរបស់គាត់ងាកមកបង្ហូរទឹកភ្នែក ដោយមិនបាននិយាយលាមួយម៉ាត់។
លោកយាយបានដកដង្ហើមធំយ៉ាងវែងហើយនិយាយប្រាប់ថា ក្រោយថ្ងៃរំដោះ៧មករា ១៩៧៩ គាត់មិនបានមកស្រុកភ្លាមទេ ដោយសារគាត់បានបែកពីបងប្អូនគាត់បានដើររកស៊ីលក់ដូរបន្តិចបន្ទួច និងស៊ើបរកបងប្អូន លុះប៉ន្មានឆ្នាំក្រោយមកទើបសម្រេចចិត្តមករស់នៅស្រុកកំណើតក៏បានជួបក្មួយឈ្មោះ ឡឹក គឹមសេង នៅភូមិសេកជ្រំនេះ ដោយជីវភាពក្រីក្រ ក៏សុំដីក្មួយសង់ខ្ទមរស់នៅរហូតមក ក្មួយក៏យល់ព្រមឲ្យសង់ផ្ទះរស់នៅរហូតដល់មួយជីវិត។
លោកយាយបន្តទៀតថា ដោយលោកយាយម្នាក់ឯងគ្មានដីស្រែនឹងគេ គាត់បានប្រកបមុខរបរលក់ដូរបន្តិចបន្តួចលុះដល់ពេលវ័យជារា មិនអាចដើររកស៊ីទៀតបានផ្ទះក៏ទ្រុឌទ្រោមនៅលែងកើត ក្មួយ និងអ្នកស្រុកជិតខាង និងលោកមេភូមិបានរៃគ្នាកាប់កូនឈើ ទិញស័ង្កសីសង់ផ្ទះថ្មីតូចមួយនេះរស់នៅបន្ត។ ចំពោះអង្ករ និងម្ហូប បានក្មួយ និងអ្នកជិតខាងផ្តល់ឲ្យ និងអំណោយសប្បុរសធម៌ពីព្រះសង្ឃ ពីកាកបាទក្រហម ក៏ប៉ុន្តែមិនបានគ្រប់គ្រាន់ទេ អត់ម្ហូប បន្លែ ត្រីសាច់។
ហើយប៉ុន្មានខែនេះរដូវរងាខ្លាំងត្រជាក់ចង់បានផួយក្រាស់ដណ្តប់ និងសម្លៀកបំពាក់ពិសេសអាវរងា។ ហើយចង់បានបង្គន់តូចមួយសម្រាប់បន្ទោរបង់ពិបាកដើរទៅបន្ទោរបង់ទីវាលឆ្ងាយខ្លាចសត្វនៅពេលយប់ពិបាកខ្លាំងណាស់មិនហ៊ានទៅសុំបង្គន់ផ្ទះគេបន្ទោរបង់។ ដូច្នេះមានតែលើកម្រាមដៃដប់សំពះសុំសប្បុរសជនមេត្តាជួយឧបត្ថម្ភដោយក្តីអនុគ្រោះ មេត្តាជួយលោកយាយផង៕ ដោយ ៖ វ៉ាន់ ប៊ុនធឿន
ចែករំលែកព័តមាននេះ